બોલિવુડ એક્ટર રિતિક રોશનનો આજે 46મો બર્થ ડે છે. રિતિક બોલિવુડના એ એક્ટર્સમાં શામેલ છે જેણે ઓળખની જરૂર નથી. રિતિકની ગણતરી બોલિવુડમા સૌથી મોઁઘા સ્ટાર્સમાં થાય છે, હંમેશા લીડ રોલ કરતા રિતિકે કરિયરની શરૂઆત 2000માં આવેલી ફિલ્મ ' કહો ના પ્યાર હૈ ' થી કરી હતી. આ તેની પહેલી ફિલ્મ હતી જે ઓડિયન્સને ખૂબ જ પસંદ આવી હતી, ત્યારે આજે રિતિકની બર્થ ડે પર તેની માતાએ સોશ્યલ મીડિયા પર એવી ફોટો શૅર કર્યો છે જેને જોઇને તમે પણ રડી પડશો.
જી હા, રિતિકની માતા પિંકી રોશને દિકરાની હિંમત બતાવતી ફોટો શૅર કરીને ઈમોશનલ પોસ્ટ લખી હતી. આ ફોટો રિતિકે જ્યારે બ્રેન સર્જરી કરાવી તે સમયની છે. પિંકી રોશને કહ્યું હતું કે જ્યારે રીતિકને ઓપરેશન થિયેટરમાં લઈ જવામાં આવ્યો ત્યારે તે બેભાન થઈ ગયા હતાં. જોકે, રિતિકના ચહેરા પર હંમેશની જેમ સ્માઈલ જોવા મળી હતી.
રિતિકની ફોટો શૅર કરતા તેની માતા પિંકી રોશને કેપ્શન લખ્યુ હતુ કે, ''આજે હું ભારે હૈયે ક્યારેય ના જોયેલી ફોટો શૅર કરી રહી છું. જોકે, આ ઉદાસી તથા ચિંતા કે ખેદ સાથે નથી. આ પ્રેમ સાથે છે. આપણે આપણા વર્તનથી, સપોર્ટ તથા હિંમતથી બાળકો સામે ઉદાહરણ પૂરું પાડીએ છીએ. જોકે, જ્યારે આ હિંમત, સ્ટ્રેન્થ તથા કરુણાની સરખામણી માતા-પિતા સાથે થાય ત્યારે શું? તમને તમારા પોતાના દીકરાની આંખમાં શક્તિ, પ્રેરણા જોવા મળે. ડુગ્ગુને જ્યારે બ્રેન સર્જરી માટે લઈ જવાયો ત્યારે હું લગભગ બેભાન જેવી થઈ ગઈ હતી. મારા હૃદયના ધબકારા વધી ગયા હતાં, બ્લડ પ્રેશર વધી ગયું હતું અને હું મનમાં સતત પ્રાર્થના કરતી હતી. હું સતત મારા દિકરાને લઈ ચિંતિંત હતી. જ્યારે મારો દિકરો જન્મ્યો ને ત્યારે જે રીતે ડોક્ટર્સના હાથોમાં હતો તે જ રીતે તે ડોક્ટર્સના હાથમાં હતો. જ્યારે તે જન્મ્યો ત્યારે તે પોતાની સુંદર આંખોથી મને જોતો હતો અને આજે પણ તેની સુંદર આંખો મને જોતી હતી. મનના સુપરપાવરને કારણે સર્જરી પહેલાં રીતિક ઘણો જ શાંત હતો. તેની આંખમાં કોઈ ડર નહોતો, કોઈ જ ચિંતા નહોતી અને કોઈ જ સ્ટ્રેસ નહોતો. હું મારું જ પ્રતિબિંબ તેની આંખમાં જોતી હતી અને તેને કારણે મને હિંમત મળી. તેની હિંમતથી મારામાં પરિવર્તન આવ્યું. ડુગ્ગુ ક્યારેય કોઈ પડકારમાં હાર્યો નથી. તેના સુપરપાવરની શક્તિ આસપાસમાં બધાને પ્રેરણા અને હિંમત આપે છે. જ્યારે તેણે મારી આંખમાં ઉદાસી જોઈ ત્યારે તેણે મને આંખ મારી અને મારા ચહેરા પર હાસ્ય આવી ગયું. તેની આંખો કહી રહી હતી કે બધું જ ઠીક થઈ જશે.''
ઉલ્લેખનીય છે કે, આ ફોટો 2013માં ‘બેંગ બેંગ’નું શૂટિંગ કર્યું હતું અને શૂટિંગ દરમિયાન એક્ટરને માથામાં ઈજા થઈ હતી. જોકે, તે સમયે તેને એમ હતું કે આ થોડાં દિવસમાં મટી જશે. જોકે, મુંબઈ આવ્યા બાદ પણ રીતિકને ઠીક થયું નહોતું. તેને માથામાં સતત દુખાવો રહેતો હતો. ટેસ્ટ કરાવ્યા બાદ રીતિકને મગજમાં બ્લડ ક્લોટ હોવાની જાણ થઈ હતી. રીતિક પર તાત્કાલિક બ્રેન સર્જરી કરવામાં આવી હતી.