એલર્ટ / ડિલિવરી બોય LPG સિલિન્ડર આપતી સમયે માંગે છે એકસ્ટ્રા ચાર્જ તો કરો આ કામ, કંપનીએ આપી ખાસ જાણકારી

• HPCLએ એક ખાસ જાણકારી આપી
• LPG સિલિન્ડરની ડિલિવરીને લઈને કહી આ વાત
• ડિલિવરી બોયને કોઈ એકસ્ટ્રા ચાર્જ આપવાની જરૂર નથી
• કોઈ એકસ્ટ્રા ચાર્જ માંગે તો કરી શકો છો ફરિયાદ

એક તરફ દેશમાં દર મહિને  LPG સિલિન્ડરના ભાવમાં સતત વધારો થઈ રહ્યો છે જેને લઈને ગ્રાહકો પહેલાંથી જ પરેશાન છે. આ સમયે તમે ક્યારેક જોયું હશે કે જ્યારે તમારા ઘરે સિલિન્ડર મૂકવા માટે ડિલિવરી બોય આવે છે તે ક્યારેક તમારી પાસે એકસ્ટ્રા ચાર્જ માંગે છે. આજકાલ આવી રહેલી આ મુશ્કેલીઓે લઈને HPCLએ ખાસ જાણકારી આપી છે. જેનાથી ગ્રાહકોને હવે રાહત મળી શકે છે.  

 
આખરે તમારે શા માટે ન આપવા જોઈએ એલપીજી સિલિન્ડરની ડિલિવરીનો એકસ્ટ્રા ચાર્જ

મળતી માહિતી અનુસાર કહેવાયું છે કે ગેસ એજન્સી કંપનીઓએ કહ્યું છે કે ગ્રાહકોના ગેસ ડિલિવર કરનારા વ્યક્તિને ડિલિવરી ચાર્જ આપવાની જરૂર નથી. આરટીઆઈના અનુસાર પણ અરજી કર્યા બાદ  એચપીસીએલમાં તેને માટે જાણકારી આપી છે. 
 
HPCLએ આપ્યો આ જવાબ

કંપનીએ પોતાના જવાબમાં કહ્યું છે કે ગેસ ડિસ્ટ્રીબ્યુટરની જવાબદારી છે કે તે ગ્રાહકોના દર વાજા પર ગેસ સિલિન્ડરની ડિલિવરી કરે. કોઈ પમ બિલ્ડિંગ કે ફ્લેટના કોઈ પણ ફ્લોર પર ગેસ ડિલિવરી માટે કોઈ ચાર્જ આપવાનો હોતો નથી. ગ્રાહકોએ ફક્ત બિલમાં લખેલી એમાઉન્ટ જ પેમેન્ટ રૂપે આપવાની રહે છે. કંપનીએ વધુમાં કહ્યું છે કે આ રકમ સિવાય જો કોઈ ડિલિવરી બોય વધારાની રકમ માંગે છે તો તમે તેને આપવાની મનાઈ કરી શકો છો. આ સાથે એક્સ્ટ્રા રૂપિયા ગ્રાહક પાસેથી લેવા તેવો કોઈ નિયમ નથી. તેના આઘારે ગેસ ડિસ્ટ્રીબ્યૂટર એલપીજી સિલિન્ડરને ડિલિવર કરતી સમયે ગ્રાહકોની પાસેથી ચાર્જ વસૂલે. આ સમયે તેઓ ફક્ત બિલમાં લખેલી રકમથી વધારે રૂપિયા વસૂલી શકતા નથી.  

 
જો તમારી પાસે પણ સિલિન્ડરનો ડિલિવરી ચાર્જ માંગવામાં આવે તો શું કરશો

આરટીઆઇ રિપ્લાયમાં કંપનીએ સૂચન કર્યું છે કે ગ્રાહક ડિલિવરી કરનારા વ્યક્તિ કે ગેસ  ડિસ્ટ્રીબ્યુટરની વિરુદ્ધમાં ફરિયાદ કરી શકે છે. 

તો જાણી લો કઈ રીતે તમે પણ વધારે રૂપિયા ખર્ચ કરવાથી બચી શકો છો અને આ પ્રકારના લોકોને પણ ખોટું કામ કરતા અટકાવી શકાય છે. ક્યારેય કોઈ પણ ગેસ સિલિન્ડરની ડિલિવરી કરવા આવનારા વ્યક્તિને બિલની રકમ કરતા વધારે રૂપિયા ન આપો અને છેતરાઓ નહીં.