પ્રધાનમંત્રી નરેન્દ્ર મોદીએ અમેરિકામાં હાઉડ મોદી કાર્યક્રમ દરમિયાન ત્યાં એક સેનેટ સભ્યની પત્નીને માફી માંગીને સૌને ચોંકાવી દીધા. PM નરેન્દ્ર મોદીનો માફી માંગતો આ વીડિયો પ્રધાનમંત્રી કાર્યાલય (PMO) દ્વારા શૅર કરવામાં આવ્યો છે જેમાં PM મોદી સહજતાથી માફી માંગી રહ્યા છે.
સાંસદની પત્નીનો જન્મદિવસ હતો, પરંતુ સાંસદ કાર્યક્રમને કારણે તેમની સાથે હાજર ન હતા.
મોદીએ કહ્યુ કે, 'સ્વાભાવિક રીતે તમને આજે મારી ઇર્ષ્યા થતી હતી'
વાસ્તવમાં 22 સપ્ટેમ્બરના અમેરિકાના સેનેટર જોન કોર્નિનની પત્નીનો જન્મદિવસ હતો. પરંતુ કોર્નિન હાઉડી મોદીના કાર્યક્રમમાં ભાગ લેવા આવ્યા હતા જેથી જન્મદિવસે પત્નીને સમયે ના આપી શકયા. એટલે PM મોદીએ જોન કોર્નિનની પત્નીની માફી માંગી. વીડિયોમાં જોઇ શકાય છે કે, PM મોદી જોન કોર્નિનના પત્ની સેન્ડીની માફી માગે છે અને જન્મદિવસની શુભકામનાઓ આપે છે. જો જોન કોર્નિન PM મોદીની બાજુમાં હસતા જોવા મળી રહ્યા છે.
વીડિયોમાં PM મોદી કહી રહ્યા છે કે, ''હું તમારી માફી માંગુ છું કારણકે આજે તમારો જન્મદિવસ છે અને તમારા જીવનસાથી મારી સાથે છે, સ્વાભાવિક રીતે તમને ઇર્ષ્યા આવતી હશે. હું તમને શુભકામના પાઠવું છું. તમારું જીવન સુખદ, સમુદ્ઘ રહે અને સાથે જ ભવિષ્ય શાંતિપૂર્ણ રહે તે માટે કામના કરું છું, શુભકામનાઓ...''
જણાવી દઇએ કે, ટેક્સાસમાં સેનેટર જોન કોર્નિન અને પત્ની સેન્ડીના લગ્નને 40 વર્ષ થયા છે અને તેમની 2 દિકરીઓ છે. જોન કોર્નિન હાઉડી મોદી કાર્યક્રમમાં શામેલ થનારા મુખ્ય સાસંદો પૈકી એક હતા. મોદી અને અમેરિકાના રાષ્ટ્રપતિ ડોનાલ્ડ ટ્રમ્પે અહીંયા 50000 થી વધારે ભારતીય અમેરિકનોને સંબોધિત કર્યા હતા.