Howdy Modi / માત્ર 16 વર્ષનો કિશોર 'સ્પર્શ શાહ' 50 હજાર લોકો સમક્ષ ગાશે રાષ્ટ્રગાન, PM મોદીને મળવા આતુર

• સ્પર્શ શાહનાં 130થી પણ વધારે હાડકાંઓ તૂટી ગયેલી હાલતમાં
• શરીરમાં કુલ 100થી પણ વધારે ફ્રેક્ચર઼
• 'હાઉડી મોદી' કાર્યક્રમમાં રાષ્ટ્રગાન ગાવા અને પીએમ મોદીને મળવા ખૂબ ઉત્સાહિત: સ્પર્શ શાહ
   

છેલ્લાં કેટલાક વર્ષોમાં સ્પર્શ શાહ (sparsh shah) ના 130થી વધુ વખત હાડકાં તૂટ્યાં છે. પરંતુ તેની હિંમત ક્યારેય તૂટી નથી. 16 વર્ષનો સ્પર્શ હાઉડી મોદી કાર્યક્રમમાં રાષ્ટ્રગાન તો ગાશે જ અને સાથે-સાથે તે પ્રધાનમંત્રી મોદીને મળવા માટે પણ ખૂબ ઉત્સાહિત છે. આપને એ પણ જણાવી દઈએ કે, સ્પર્શ રેંપર, સિંગર, લેખક અને મોટિવેશનલ સ્પીકર છે અને તે અમેરિકાનાં ન્યૂ જર્સીમાં રહે છે.

મળતી માહિતી અનુસાર, જોઇએ તો સ્પર્શ શાહનાં છેલ્લાં કેટલાંક વર્ષોમાં 130થી પણ વધારે હાડકાંઓ તૂટી ચૂક્યાં છે. એવું જણાવવામાં આવી રહ્યું છે કે સ્પર્શ જ્યારે માનાં પેટમાં હતો, ત્યારે તેનાં 35 હાડકાંઓ તૂટ્યાં હતાં. બીમારીને કારણે સ્પર્શ ચાલી પણ નથી શકતો. 16 વર્ષનાં સ્પર્શને કુલ 100થી પણ વધારે ફ્રેક્ચર થયા છે. શાહ આગામી એમિનેમ બનવા ઇચ્છે છે અને એક અરબ લોકો સામે પ્રદર્શન કરવા ઇચ્છે છે. માર્ચ 2018માં રિલીઝ થયેલી 'બ્રિટલ બોન રૈપર' નામની એક ડોક્યુમેન્ટરીમાં સ્પર્શ શાહની જીવનયાત્રાને દેખાડવામાં આવી. આ ફિલ્મ તેની બીમારી સામે લડવા પર ફોકસ કરે છે.

સ્પર્શ શાહ હાઉડી મોદી કાર્યક્રમમાં રાષ્ટ્રગાન ગાવા મુદ્દે ખૂબ ઉત્સાહિત છે અને પીએમ મોદીને મળવાને લઇને પણ. તેઓ કહે છે કે 'મારા માટે આ ખૂબ મોટી વાત છે કે હું આટલાં લોકોની સામે ગાઇ રહ્યો છું. હું રાષ્ટ્રગાન જન ગણ મન ગાવા માટે ખૂબ જ ઉત્સાહિત છું. મે પહેલી વાર મોદીજીને મૈડિસન સ્ક્વૅયર ગાર્ડન પર જોયાં હતાં, ત્યારથી હું મળવા ઇચ્છું છું, પરંતુ હું તેમને માત્ર ટીવી પર જ જોઇ શક્યો હતો.

વધુમાં સ્પર્શ જણાવે છે કે જો ભગવાનની દુઆ છે જેથી હું તેમને મળવા જઇ રહ્યો છું અને હું રાષ્ટ્રગાનને લઇને પણ ખૂબ ઉત્સાહિત છું. સ્પર્શન ત્યારે સમાચારોમાં વધારે આવ્યો હતો કે જ્યારે તેઓએ એમિનેમ ગીત "નૉટ અફ્રેડ"ને કવર કરતા એક વીડિયો રેકોર્ડ કર્યો. જેને ઓનલાઇન 65 મિલિયનથી પણ વધારે વખત જોવામાં આવ્યો છે.