પીએમ મોદીની સાથે એમા રાષ્ટ્રપતિ ડોનાલ્ડ ટ્રંપ પણ સામેલ થશે
હ્યૂસ્ટન શહેરમાં ભારતીય મૂળના અમેરિકાના નાગરિકોની સંખ્યા ખૂબ વધારે છે
પ્રધાનમંત્રી નરેન્દ્ર મોદી પોતાના સાત દિવસ દરમિયાન અમેરિકા પહોંચી ચુક્યા છે. હ્યૂસ્ટનના એનઆરજી સ્ટેડિયમમાં આજ યોજાનાર એમના Howdy Modi કાર્યક્રમ માટે સ્ટેજ શણગારાઇ ગયો છે, જેમાં પીએમની સાથે અમેરિકાના રાષ્ટ્રપતિ ડોનાલ્ડ ટ્રંપ પણ સામેલ થશે. એમાં 50 હજાર લોકો સામેલ થાય એવી શક્યતા છે. આ કાર્યક્રમ ભારત અને અમેરિકા બંને દેશોની નજરોમાં મહત્વનો માનવામાં આવી રહ્યો છે.
મોદીના ઇવેન્ટ માટે હ્યૂસટનની કેમ પસંદગી કરવામાં આવી અને છેલ્લા કેટલાક સમયથી સંબંધમાં મતભેદ છતાં અમેરિકાના રાષ્ટ્રપતિ ટ્રંપ આ કાર્યક્રમમાં સામેલ થવા કેમ માની ગયા જાણો અહીંયા...
મોદીએ ટેક્સાસ જ કેમ પસંદ કર્યું?
Howdy Modi કાર્યક્રમ હ્યૂસ્ટનમાં થઇ રહ્યો છે. આ ટેક્સાસનું એક શહેર છે. અહીંયા મોટી સંખ્યામાં ભારતીય મૂળના અમેરિકન લોકો રહે છે. હ્યૂસ્ટન ઉપરાંત ડલાસ પણ ટેક્સાસની પ્રમુખ જગ્યા છે. બંને જગ્યા એ ટૉપ 10 શહેરમાં સામેલ છે જ્યાં ભારતીય અમેરિકન લોકોની સંખ્યા ટૉપ પર છે.
પહેલા કરી ચુક્યા છે આવા કાર્યક્રમ
પીએમ મોદી વિદેશમાં આ પહેલા પણ ઘણા કાર્યક્રમોનો હિસ્સો રહી ચુક્યા છે. માત્ર અમેરિકાની વાત કરીએ તો તેઓ ન્યૂ યોર્ક, સેન જોસ અને વૉશિંગ્ટન ડીસીમાં પણ આવી ઇવેન્ટ્સમાં સામેલ થયા છે. મોદીની દરેક ઇવેન્ટમાં સારી એવી સંખ્યામાં લોકો પહોંચ્યા. એની અસર સીધી રીતે ભારતીય રાજકારણ પર પણ પડે છે.
ઇવેન્ટમાં આવવાથી ટ્રંપનો પણ ફાયદો
અમેરિકમાં આવતા વર્ષે ચૂંટણી યોજાનાર છે, આ ઇવેન્ટમાં ટ્રંપ ભારતીય મૂળના અમેરકિન લોકોને પોતાની તરફ કરવા ઇચ્છે છે. 2016ની રાષ્ટ્રપતિ ચૂંટણીમાં ભારતીય મૂળના અમેરિકાના નાગરિકોએ ટ્રંપને ટક્કર આપી રહેલ હિલેરી ક્લિંટનને વોટ આપ્યો હતો. ટ્રંપનું કાર્યક્રમમાં આવવાનો નિર્ણય એને જોડીને જોવામાં આવી રહ્યો છે. ટ્રંપ એવું માનીને ચાલી રહ્યા હશે કે મોદીની સાથે ઊભા રહેવા પર ઇન્ડો અમેરિકન લોકોનો સાથ મળી શકે છે.
પહેલી વખત આવી રેલી
Howdy Modi નું મહત્વ તો એના પરથી ખબર પડે છે કે અત્યારના સમયમાં આવું પહેલી વખત થવા જઇ રહ્યું છે જ્યારે બંને સૌથી મોટા લોકતંત્રના નેતા દુનિયામાં એક સંયુક્તક રેલીને સંબોધિત કરશે. કાર્યક્રમની ભવ્યતાનો અંદાજો એના પરથી જ લગાવી શકાય છે કે એમા અમેરિકાના રાષ્ટ્રપતિ ડોનાલ્ડ ટ્રંપ ઉપરાંત 60 થી વધારે પ્રમુખ અમેરિકન સાંસદ હાજરી આપશે. પીએમ મોદીના શાનદાર સ્વાગત માટે આ કાર્યક્રમમાં પહેલી હિંદુ સાંસદ તુલસી ગબ્બાર્ડ અને ભારતવંશી સાંસદ રાજા કૃષ્ણામૂર્તિ સામેલ થશે. આ અમેરિકાની અત્યાર સુધીની સૌથી મોટી અને યાદગાર ઇવેન્ટમાંથી એક હશે.