Howdy Modi ઇવેન્ટમાં મોદીની સાથે અમેરિકાના રાષ્ટ્રપતિ ડોનાલ્ડ ટ્રંપ પણ હાજરી આપશે. મળતી જાણકારી અનુસાર ટ્રંપ આશરે 100 મીનિટ હ્યૂસ્ટના એનઆરજી સ્ટેડિયમમાં પસાર કરશે. હજુ આ સત્તાવાર રીતે આવ્યું નથી પરંતુ ટ્રંપ ત્યાં 30 મીનિટ બોલી શકે છે.
Howdy Modi ઇવેન્ટ માટે ખાસ કરીને હ્યૂસ્ટન આવી રહેલા અમેરિકાના રાષ્ટ્રપતિ ડોનાલ્ડ ટ્રંપ સ્ટેજ પર પ્રધાનમંત્રી નરેન્દ્ર મોદી સાથે સારો એવો સમય વિતાવવાના છે. આ દરમિયાન ટ્રંપ એનઆરજી સ્ટેડિયમમાં આશરે 30 મીનિટ ભાષણ આપશે જેમાં ખાસ કરીને ભારત અને અમેરિકાના મજબૂત સંબંધોનો ઉલ્લેખ થશે. આટલું જ નહીં મોદીના સંબોધન દરમિયાન પણ ટ્રંપ વેન્યૂમાં જ હશે. અમેરિકાના અધિકારીઓએ આ વાતની જાણકારી આપી છે. જણાવી દઇએ કે આ પહેલા સમાચારમાં આવ્યું હતું કે ટ્રંપ માત્ર ગેસ્ટ તરીકે ત્યાં આવશે અને સંક્ષિપ્તમાં પોતાની વાત કરશે.
અમેરિકામાં રિપબ્લિકન પાર્ટીના નેતા ટ્રંપે 2016માં ચૂંટણી કેમ્પેન દરમિયાન જ ભારતના સારા એવા મિત્ર બન્યા રહેવાની વાત રહી હતી. એની પર અમલ કરતાં ટ્રંપ માત્ર 'Howdy Modi' માં સામેલ થવા હ્યૂસ્ટન આવી રહ્યા છે. આવું વાઇટ હાઉસ દ્વારા જારી ટ્રંપના શેડ્યૂલમાં જણાવવામાં આવ્યું છે.
100 મીનિટ રોકાશે, મોદીનું ભાષણ પણ સાંભળશે
મળતી જાણકારી અનુસાર ટ્રંપ આશરે 100 મીનિટ હ્યૂસ્ટના એનઆરજી સ્ટેડિયમમાં પસાર કરશે. હજુ આ સત્તાવાર રીતે આવ્યું નથી પરંતુ ટ્રંપ ત્યાં 30 મીનિટ બોલી શકે છે. એવું પણ કહેવામાં આવી રહ્યું છે કે મોદીના ભાષણ દરમિયાન પણ ટ્રંપ સ્ટેડિયમમાં જ હશે. જણાવીએ કે મોદીના કાર્યક્રમ માટે 50 હજાર ભારતીય મૂળના અમેરિકન લોકોએ રજિસ્ટ્રેશન કરાવ્યું છે.
પહેલી વખત આવી રેલી
Howdy Modi નું મહત્વ તો એના પરથી ખબર પડે છે કે અત્યારના સમયમાં આવું પહેલી વખત થવા જઇ રહ્યું છે જ્યારે બંને સૌથી મોટા લોકતંત્રના નેતા દુનિયામાં એક સંયુક્તક રેલીને સંબોધિત કરશે. કાર્યક્રમની ભવ્યતાનો અંદાજો એના પરથી જ લગાવી શકાય છે કે એમા અમેરિકાના રાષ્ટ્રપતિ ડોનાલ્ડ ટ્રંપ ઉપરાંત 60 થી વધારે પ્રમુખ અમેરિકન સાંસદ હાજરી આપશે. પીએમ મોદીના શાનદાર સ્વાગત માટે આ કાર્યક્રમમાં પહેલી હિંદુ સાંસદ તુલસી ગબ્બાર્ડ અને ભારતવંશી સાંસદ રાજા કૃષ્ણામૂર્તિ સામેલ થશે. આ અમેરિકાની અત્યાર સુધીની સૌથી મોટી અને યાદગાર ઇવેન્ટમાંથી એક હશે.