સ્કીમ / Googleની મદદથી કરો કમાણી, થોડાજ મહિનાઓમાં થઇ જશો માલામાલ

આજના સમયમાં તમામ લોકો ઇન્ટરનેટનો ઉપયોગ તો ચોક્કસ રીતે કરતા હોય છે. ઇન્ટરનેટના અનેક ઉપયોગ અને અઢળક ફાયદા છે. તમે ઇન્ટરનેટની મદદથી ઘરે બેઠા રૂપિયા કમાઇ શકો છો. જી હા, જો તમે વ્યવસાયિક રૂપે ફેસબુક, બ્લોગ્સ અને અન્ય સોશિયલ નેટવર્ક્સનો ઉપયોગ કરો છો, તો ગૂગલ તમને પૈસા કમાવવાની તક આપે છે. આ માટે તમારે માત્ર પ્રોફેશનલ રીતે તમારુ પેજ બનાવવુ પડશે અને તેના પર નિયમિતરૂપે ઓરિજનલ કન્ટેન્ટ નાખવુ પડશે. 

Google તમારા સોશ્યલ મીડિયા પેજ, બ્લોગ્સ અને યૂટ્યૂબ પેજ પર એડ ચલાવે છે, જેથી તમને કમાણી કરવાની સારી તક ઉભી થાય છે. જો તમારા પેજ, બ્લોગ અને અન્ય સોશ્યલ મીડિયા પર વધુ ટ્રાફિક આવે છે. તો ગૂગલ તમારા પેજ પર જાહેરાતો ચલાવે છે. આ રીતે તમે ખૂબ પૈસા કમાઈ શકો છો.

અહીં અકાઉન્ટ ખોલવું પડે છે
ગૂગલ એડવર્ડ્સ અને એડસેન્સ નામની બે સેવાઓ ચલાવે છે. આ બંને સેવાઓ પર તમારે તમારું એકાઉન્ટ ખોલવું પડશે. અહીં ખાતું ખોલાવવા માટેના ઘણાં નિયમો પણ છે. ગૂગલ તમારા પેજ પર ફક્ત ત્યારે જ જાહેરાત ચલાવવાની શરૂ કરશે જ્યારે તે પેજ અથવા બ્લોગ ઓછામાં ઓછો છ મહિના જૂનું હશે. આ સાથે જ તે પેજ નિયમિત રૂપે અપડેટ થવું જરૂરી છે. યુટ્યુબ પર પણ સતત નવા અને યૂનિક કન્ટેન્ટવાળા વીડિયો અપડેટ થવા જરૂરી છે. જો આ પેજ પર દૈનિક ધોરણે ટ્રાફિક આવતો રહેશે તો ગૂગલ જાહેરાત ચલાવવાનું શરૂ કરી દેશે.

આ રીતે મળે છે જાહેરાત?
ગૂગલ એડસેન્સ તમારા પેજ પર વીડિયો, ફોટો, ટેક્સ્ટ, બેનર વગેરે જેવા ઘણા પ્રકારની એડ્વર્ટાઇઝ ચલાવે છે. તમે આમાંથી તમારા માટે બેસ્ટ એડની પસંદગી કરી શકો છો અને તેને તમારા બ્લોગ પર લગાવી શકો છો. ગૂગલ દર મહિને નક્કી થયેલી તારીખે પૈસા આપે છે, જે સીધા તમારા બેંક અકાઉન્ટમાં જમા થાય છે. ગૂગલ ચેક દ્વારા પણ તમને ચૂકવણી કરી શકે છે.

આ છે શરતો:
આવી રીતે પૈસા કમાવવા માટે ગૂગલ તરફથી એક શરત મૂકવામાં આવે છે. તમને ગૂગલ દ્વારા પૈસાની ચૂકવણી ત્યારે જ થશે જ્યારે તમારા ગૂગલ અકાઉન્ટમાં 100 ડોલર જમા થશે. 100 ડોલર પૂરા થઈ જાય પછી તમારા ખાતામાં એ પૈસા સીધા ટ્રાન્સફર થઈ જશે.

ગૂગલ ચેકઆઉટ:
જે પ્રમાણે બેંકિંગ સર્વિસિસમાં નાણાકીય ટ્રાંઝેક્શન પર અમુક રકમ બેંકો પાસે જાય છે એવી જ રીતે જો તમે ઓનલાઇન પેમેન્ટ માટે ગૂગલ ચેકઆઉટનો ઉપયોગ કરશો તો તમને પણ લાભ થશે. આ વિકલ્પથી ચૂકવણી કરતાં જેમ-જેમ ગૂગલનું વેબ બિઝનેસ ટ્રાન્ઝેક્શન વધશે, તેમ-તેમ યુઝરની આવક પણ વધશે. ગૂગલ આ માટે તમને અલગથી પેમેન્ટ કરે છે.