How will water be stored? If you check the condition of the check dams, it is not that there is no water in many of them, if the repairs are not done, there will be problems in irrigation.
ગુજરાત /
આવી રીતે થશે જળનો સંગ્રહ? ચેકડેમની હાલત ચેક કરી તો ઘણામાં પાણી ટીપું ન ટકી એમ નથી, સમારકામ ન થયું તો સિંચાઇમાં પડશે તકલીફ
Team VTV05:41 PM, 12 Mar 23
| Updated: 07:25 PM, 12 Mar 23
કાલોલ તાલુકાના બરોલા ગામે આવેલી કરડ નદીમાં VTV રીયાલીટી ચેક કરવા પહોંચ્યું હતું. જ્યાં ચેકડેમમાં મોટા પાયે દીવાલ ધરાશાયી થઈ હતી અને તેના કારણે ચેકડેમ માં પાણી નો સંગ્રહ થઈ શકતો નથી.
VTV NEWSએ રિયાલિટી ચેક કર્યું
કાલોલમાં ચેેકડેમ તૂટેલી હાલતમાં
ચેકડેમમાં પાણી નથી થતું સંગ્રહ
કાલોલ તાલુકા ના બરોલા ગામે કરડ નદી માં ચેકડેમ ની એવી દુર્દશા છે કે ચેકડેમ ની સાઈડ માં આવેલી દીવાલ ધરસાઈ થઈ ગઈ અને પાણી વહી ગયુંજેના કારણે ખેડૂતો ની સમસ્યા વધી પાણી ન મળવા ને કારણે ખેડૂતો સિંચાઈ ની તખલીફ નો સામનો કરવો પડી રહ્યો છે કુવા, બોરવેલ ના પાણીનાં સ્તર નીચા જતા રહ્યા છે. ઉનાળા દરમ્યાન ખેડુતો ને પાણી વેચાતું લાવી ને સિંચાઈ કરવી પડે તેમ છે.
8 જેટલા ગામોમાં પાણીની અને સિંચાઈની તકલીફ
ચેકડેમ માં પાણી ન હોવાથી ખેડૂત ઉદાસ થઈ ગયો છે જેના કારણે કાલોલ તાલુકા ના 8 જેટલા ગામોમાં પાણીની અને સિંચાઈની તકલીફ ઉભી થશે ખેડૂતો અને સ્થાનિકો દ્વારા સિંચાઈ વિભાગ ને રજુઆત પણ કરવા માં આવી પરંતુ કોઈ કાળજી લેતું નથી ખેડૂતો ને સાંભળવા માટે કોઈ તૈયાર નથી હવે જોવાનું રહ્યું કે સરકાર ખેડૂતો ને માંગ ને ક્યારે પૂરું કરશે.
ચેકડેમના કામમાં ભ્રષ્ટાચાર થયા હોવાનો સ્થાનિકોનો આરોપ
બોટાદ જિલ્લાના અનેક ગ્રામ્ય પંથકોમાં ચેકડેમ ના કામમાં ભ્રષ્ટાચાર જોવા મળ્યો છે જેથી વરસાદી પાણીથી ચેકડેમ ભરાતાની સાથે ટુટી ગયા છે અને સરકાર દ્વારા વરસાદી પાણી ને રોકવાની યોજના ફેઈલ થઈ હોય તેવું લાગી રહ્યું છે. જિલ્લાના ગઢડા તાલુકાના અનેક ગામોમાં ચેકડેમની આ સ્થિતિ જોવા મળી રહી છે ત્યારે ગઢડા તાલુકાના ગોરડકા ગામે પહોચી VTV ની ટિમ ગોરડકા ગામે ચેકડેમની હાલત કફોડી ખેડૂતોએ કર્યા ભ્રષ્ટાચાર ના આક્ષેપ ગોરડકા ગામનો ચેકડેમ રીપેર કરવામાં આવેતો અનેક ખેડૂતોને પાણીનો મળી શકે છે લાભ.
રાજકોટમાં VTV ન્યુઝ ની ટીમે ગ્રાઉન્ડ પર જઈને રિયાલિટી ચેક કર્યું
રાજકોટમાં VTV ની ટીમે રાજકોટમાં 5 અલગ અલગ ગામડાઓની મુલાકાત લીધી હતી..જેમાં રાજકોટ જિલ્લાના અનેક ગામડાઓ ખેડૂતોને મોટું નુકશાન જઈ રહ્યું હોય તેવા દ્રશ્યો શોધી કાઢ્યા છે. જેમાં વાત કરવામાં આવે તો રાજકોટ જિલ્લાના વેજાગામ, ઇશ્વરીયા ગામ, ચીભડા ગામ, દેવગામ અને વડ-વાજળી ગામની નદીઓની મુલાકાત લીધી હતી. જેમાં નદીઓના અંદર પાણી સંગ્રહ ન થવા પાછળના મસમોટા કારણો મળ્યા હતા. જેમાં રાજકોટ જિલ્લાના 5 જેટલા ગામોની નદીની અંદર બનાવેલ ચેક ડેમો તૂટેલા જોવા મળ્યા હતા. રાજકોટમાં આવા 250થી વધુ ચેકડેમો તૂટેલા છે અને તેના કારણે નદીનું પાણી સંગ્રહ થતું નથી જેના કારણે ખેડૂતોને પાણી નું સ્તર ઘટતું જોવા મળે છે અને ઉનાળુ પાક ફેલ જાય છે. અહીંયા રાજકોટમાં VTV ન્યુઝ ની ટીમે ગ્રાઉન્ડ પર જઈને રિયાલિટી ચેક કર્યું તો રાજકોટના મોટા ભાગમાં ચેકડેમો તૂટેલા જોવા મળ્યા હતા. ત્યારે હવે સવાલ એ ઉઠે છે કે આ કામ કરે કોણ. ખેડૂતો માટે અનેક લાણીઓ થાય છે પરંતુ જો ખરા અર્થમાં કોઈ ખેડૂતની મદદ કરવા સરકારી કર્મચારીઓ આગળ આવે તો તેમને ચેકડેમો રિપેર કરવા જોઈએ અને પાણીનો સંગ્રહ વધારવો જોઈએ જેથી ઉનાળામાં પશુઓ અને ખેડૂતોને પાણી મળી શકે અને નવી દિશા પણ મળી શેક તેવું આયોજન થઈ શકે તેમ છે.
20 વર્ષ પહેલા ભાવનગર જીલ્લામાં 5000 થી વધુ ચેકડેમો નું નિર્માણ કર્યું હતું
રાજ્ય સરકાર એ પાણીના સંગ્રહ માટે વર્ષો પહેલા ગામે ગામ ચેકડેમ બનાવવાની યોજના લાવી હતી. અને આજથી 20 વર્ષ પહેલા ભાવનગર જીલ્લામાં 5000 થી વધુ ચેકડેમોનું નિર્માણ કર્યું હતું. પરંતું ત્યારબાદ એક પણ ચેકડેમ નવા બનાવામાં આવ્યા નથી અને જે ચેકડેમો છે તેની હાલત જર્જરિત છે અને કેટલીક જગ્યાના ચેકડેમ માંથી પાણી વહી રહ્યું છે. ત્યારે સ્થાનિકોની માંગ છે કે સરકાર આ ચેકડેમો ઉનાળા માં રીપેર કરાવે તો ચોમાસામાં તેમાં પાણીનો સંગ્રહ થઇ શકે અને આસપાસના ગામોના પાણીના તળ ઊંચા આવે તેમજ ખેતી માટે પણ ફાયદો થઇ શકે તેમ છે. આજે VTV કેટલાક ગામોમાં ચેકડેમની સ્થિતિ માટે રિયાલિટી ચેક કરી હતી. જેમાં મોટાભાગના ચેકડેમો જર્જરીત અને કાપથી ભરેલા જોવા મળ્યા હતા.