વર્તમાન ત્રિમાસિક પરિણામોની સિઝન, વૈશ્વિક બજારના વલણો, સ્થાનિક મેક્રો ઇકોનોમિક ડેટા અને માસિક વાહનોના વેચાણના આંકડા પણ બજારની દિશાને પ્રભાવિત કરશે.
શેર બજારની દિશા આ અઠવાડિયે બજેટ અંગેના નિર્ણય દ્વારા નક્કી થશે
સાથે જ માસિક વાહનોના વેચાણના આંકડા પણ અઠવાડિયા દરમિયાન આવશે
કંપનીઓ ચાલુ નાણાકીય વર્ષના ત્રીજા ક્વાર્ટર માટે કમાણીના આંકડા જાહેર કરશે
શેર બજારની દિશા આ અઠવાડિયે સામાન્ય બજેટ 2023-24 અને યુએસ સેન્ટ્રલ બેંક ફેડરલ રિઝર્વ દ્વારા વ્યાજદર અંગેના નિર્ણય દ્વારા નક્કી કરવામાં આવશે. વિશ્લેષકોએ આ અભિપ્રાય વ્યક્ત કરતાં કહ્યું છે કે વર્તમાન ત્રિમાસિક પરિણામોની સિઝન, વૈશ્વિક બજારના વલણો, સ્થાનિક મેક્રો ઇકોનોમિક ડેટા અને માસિક વાહનોના વેચાણના આંકડા પણ બજારની દિશાને પ્રભાવિત કરશે. એક્સપર્ટનું કહેવું છે કે "સૌથી મહત્વની ઘટના 1 ફેબ્રુઆરીએ રજૂ થનાર સામાન્ય બજેટ અને તે જ દિવસે યુએસ સેન્ટ્રલ બેંકની બેઠક છે." જ્યારે ઘણી કંપનીઓ ચાલુ નાણાકીય વર્ષના ત્રીજા ક્વાર્ટર માટે કમાણીના આંકડા જાહેર કરશે, ત્યારે માસિક વાહનોના વેચાણના આંકડા પણ અઠવાડિયા દરમિયાન આવશે.
એમના મત મુજબ,'આ અઠવાડિયે બજાર અદાણી જૂથ પર પણ નજર રાખશે. વિદેશી સંસ્થાકીય રોકાણકારો (FPIs)નો પ્રવાહ પણ બજારની દિશા માટે નિર્ણાયક રહેશે. આ સાથે જ ઇન્વેસ્ટમેન્ટ રિસર્ચ કંપની હિંડનબર્ગ રિસર્ચ દ્વારા અદાણી જુથ સામે ગંભીર આક્ષેપો કર્યા પછી તેનંના શેરમાં ભારીભરખમ ઘટાડો નોંધાયો હતો. મેક્રો ઇકોનોમિક મોરચે, મેન્યુફેક્ચરિંગ અને સર્વિસ સેક્ટર માટે પરચેઝિંગ મેનેજર્સ ઇન્ડેક્સ (PMI) ડેટા અનુક્રમે બુધવાર અને શુક્રવારે આવશે.
કંપનીના ત્રિમાસિક પરિણામો પર નજર રહેશે
કંપનીઓની ત્રિમાસિક કમાણી પર પણ શેરબજારની ઝડપની અસર થાય છે. જણાવી દઈએ કે FOMC મીટિંગ પર વિશ્વભરના રોકાણકારો દ્વારા નજીકથી નજર રાખવામાં આવશે અને આ મહિને અત્યાર સુધીમાં રૂ. 17,000 કરોડ ઉપાડી ચૂકેલા વિદેશી રોકાણકારોની ગતિવિધિઓ પણ બજારનું વલણ નક્કી કરશે. આ સાથે રેલિગેર બ્રોકિંગ લિમિટેડના ટેકનિકલ રિસર્ચના વાઇસ પ્રેસિડેન્ટ અજિત મિશ્રાએ જણાવ્યું હતું કે, “આ અઠવાડિયું કેન્દ્રીય બજેટને કારણે માત્ર નાણાકીય બજારો માટે જ નહીં પરંતુ અર્થતંત્ર માટે પણ ઘણું મહત્ત્વનું બની રહેશે.' આ સિવાય રોકાણકારો યુએસ સેન્ટ્રલ બેંકની બેઠકના પરિણામો પર નજર રાખશે. ડેટા ફ્રન્ટ પર, વાહનોના વેચાણ પરના માસિક ડેટા, ઉત્પાદન અને સેવાઓ ક્ષેત્ર માટેના પીએમઆઈ ડેટા પર પણ બધાની નજર રહેશે.
ભારી નુકશાન સાથે બંધ થયું હતું બજાર
આ અઠવાડિયા દરમિયાન લાર્સન એન્ડ ટુબ્રો, એસીસી, સન ફાર્મા, એચડીએફસી, આઈટીસી અને એસબીઆઈ જેવી કેટલીક મોટી કંપનીઓના ત્રિમાસિક પરિણામો આવશે. ગયા અઠવાડિયે, 30 શેરો ધરાવતો BSE સેન્સેક્સ 1,290.87 પોઈન્ટ અથવા 2.12 ટકાના ઘટાડામાં રહ્યું હતું.