ગુજરાતમાં પાણીની અને ગેસની પાઈપલાઈન તમે જોઈ હશે. હવે ગાંધીનાં ગુજરાતમાં દારુની પાઈપલાઈન નંખાઈ છે. જી હા તમે બરાબર વાંચ્યું છે. બુટલેગરો પોતાનાં વ્યવસાયને વધારવા અને બચાવવા અવનવી મોડસ ઓપરેન્ડી અપનાવતાં હોય છે. જેમાં ત્યારે સુરેન્દ્રનગરનાં એક ગામની સીમામાં દારૂની ભઠ્ઠીથી દારું સીધો લોકો સુધી પહોંચાડવા માટે દારુની પાઈપલાઈન નાંખનામાં આવી હતી. જો સ્થાનિક પોલીસને માહિતી મળતાં તેમણે આ જગ્યાએ રેડ પાડી આ મોડસઓપરેન્ડીનો પર્દાફાશ કર્યો છે.
ફેરાફેરીનાં બાબુલાલનું નળ દારુ આવે તે સપનું પુરુ થયું
પોલીસે બાતમીનાં આધરે રેડ પાડી 2 આરોપી ફરાર
પોલીસે દારુનાં કન્ટેનર તથા મોટર પંપ પણ પકડાયો છે
દારુની રેડ નહી તેની બુટલેગરની એમો ચર્ચામાં
અશોક ગહેલોતે ગુજરાતની દારુબંધી પર સવાલો ઉઠાવ્યાં હતાં. જેને લઈને રાજ્યનાં સીએમ સહિત અનેક ગુજરાતીઓએ રોષ ઠાલવ્યો હતો. દારુબંધી હોવા છતાં અનેક જગ્યાએથી દારુ પકડાતો રહેતો હોય છે. ત્યારે ગુજરાતમાં દારું પકડાવો એ નવી વાત નથી રહી, પણ બુટલેગરની મોડસ ઓપરેન્ડી હંમેશાં રસપ્રદ રહેતી હોય છે. જેનાં કારણે દારુની રેડ હંમેશા ચર્ચાનો વિષય બનતી હોય છે. આ વખતે કંઈક આવો જ કિસ્સો સામે આવ્યો છે. ચોટીલાનાં નાની મોલડી પોલીસ સ્ટેશનની હદમાં આવેલાં ડોસલીધુનાં ગામની સીમાએ દારુની ભઠ્ઠી પકડાઈ છે. ત્યારે તેની એમોને લઈને લોકોમાં ચર્ચા જાગી છે.
એવી તો શું મોડસ ઑપરેન્ડી હતી?
ગેસનાં બાટલાનાં તળીયા તોડી એમાં દારુની બોટલો સંતાડવી કે પછી ઘરમાં હાઈડ્રોલિક પ્લેટફોર્મ બનાવી ઘરની નીચે ભોયરામાં દારુ સંતાડવો જુની વાત થઈ ગઈ છે. ચોટીલાનાં ડોસલીધુનાં ગામનાં સીમાડે બુટલેગરોએ નવી એમો સાથે દારુની ભઠ્ઠી ચલાવતાં હતાં. તેમણે પાણીની નહી પણ દારુની પાઈપલાઈન નાંખી દીધી હતી. આ દારુની ભઠ્ઠીમાં દેશી દારુ ગાળવાની સાથે સાથે તેની પાઈપલાઈનથી નક્કી કરેલી વ્યક્તિને સીધો દારુંનો જથ્થો ડિલીવર થઈ જતો હતો.
આ રીતે મળી હતી માહિતી
21 ઓક્ટૉબરનાં રોજ નાની મોલડીનાં પીએસઆઈ ડી.બી. ચૌહાણ, એએસઆઈ જયેશભાઈ પટેલ તેમનાં 4 કોન્સ્ટેબલ સાથે પેટ્રોલિંગ કરી રહ્યાં હતાં . આ દરમિયાન તેમને મળેલી બાતમીનાં આધારે તેમણે ડોસલીધુનાં ગામની સીમ કાનીયાની કરાડવાળા ગાળા તરીકે ઓળખાતી સીમામાં ગાળાનાં નાંળા પાસે બે લોકો દારુની ભટ્ટી ચલાવી રહ્યાં છે.
આ રીતે ભાગી ગયાં આરોપી
પોલીસે બાતમીનાં આધારે આ જગ્યાએ રેડ પાડી હતી. આ દરમિયાન આરોપી નરેન્દ્રભાઈ ઉર્ફે નરીયા રઘુભાઈ ધોરીયા અને વેલાભાઈ ઝીંઝરીયા (બન્ને રહે. ગામ- ગારીડા, જી- રાજકોટ) ત્યાં હાજર હતાં. પોલીસે રેડ પાડતાં આ બન્ને ત્યાંથી ભાગી ગયાં હતાં. પોલીસનાં જણાવ્યાનુંસાર આ જગ્યાએ ઊંચા ઝાડ અને ટેકરાવાળી જગ્યા હોવાથી તેઓ ત્યાંથી ભાગવામાં સફળ રહ્યાં હતાં. જોકે તેમની શોધખોળ હાથ ધરી છે . તેમજ ત્યાંથી મુદ્દામાલ જપ્ત કર્યો હતો. પોલીસનાં જણાવ્યાનુંસાર અહીં દારુની ભઠ્ઠી એક અઠવાડીયાથી ચાલું હતી. તેમને અહીં પાઈપલાઈનથી દારુની ડિલિવરી કરતાં હોવાની માહિતી મળી હતી.
આટલો જથ્થો પકડાયો છે
દારુની આ રેડમાં દેશી દારુ 400 લીટર કિમંત રુ. 8 હજાર, ગરમ આથો 800 લીટર કિંમત રુ 1600નો, ઠંડો આથો 4 હજાર લીટર કિંમત રુ. 8 હજાર , દેશી દારુ બનાવવાની ભઠ્ઠીનાં સાધનોમાં ઠંડા આથાવાળા ખાલી બેરેલ 20 નંગ, દારુ વાળા ખાલી બેરેલ 2 નંગ મળી કુલ 22 બેરેલ મળી આવ્યાં હતાં. આ ઉપરાંત 2 નંગ બાફણીયા બેરેલ (રૂ 800), એલ્યુમિનિયમની નળીનો માંચડો, ડીઝલ એન્જિન સાથે 1 જનરેટર. ઈલેક્ટ્રીક વાયર 50 મીટર તથા ઈલેકટ્રીક મોટર પંપ સાથેન અડધા હોર્સ પાવરની ભઠ્ઠીની ફુકણી સાથેની ઈલેક્ટ્રીક સબમર્શીબલ (ડેડકો) મોટર, અને ગોળનાં 59 નંગ ડબા મળી કુલ રુ. 86150નો મુદ્દામાં માલ જપ્ત કર્યો હતો.