આધ્યાત્મિક / અષાઢ મહિનાની ગુપ્ત નવરાત્રિનો 30જૂનથી પ્રારંભ, આ રીતે કરો દેવીની ઉપાસના, મળશે મનોવાંછિત ફળ

• નવરાત્રિએ કરો દેવીની ઉપાસના
• અષાઢની ગુપ્ત નવરાત્રિ કહેવાય છે આદ્યાત્મિક 
• મા દુર્ગાની ઉપાસના કરવાથી જીવન રહે છે ખુશખુશાલ 

નવરાત્રિ વર્ષમાં ચાર વાર ઉજવવામાં આવે છે. બે સામાન્ય જ્યારે બે નવરાત્રિ ગુપ્ત નવરાત્રિ કહેવામાં આવે છે.   હિંદુ ધર્મમાં ચૈત્ર અને આશ્વિન નવરાત્રિનું વિશેષ મહત્વ છે. જ્યારે માઘ અને અષાઢ ગુપ્ત નવરાત્રિ વિશે બહુ ઓછા લોકો જાણે છે. તાંત્રિક પૂજા મુખ્યત્વે ગુપ્ત નવરાત્રિમાં કરવામાં આવે છે. ગુપ્ત નવરાત્રિનો બહુ પ્રચાર થતો નથી. ગુપ્ત નવરાત્રિ દરમિયાન, તમારી આધ્યાત્મિક સાધના ગુપ્ત રાખવામાં આવે છે. આ વર્ષે અષાઢ મહિનાની ગુપ્ત નવરાત્રિ 30 જૂનથી શરૂ થઈ રહી છે, જે 08 જુલાઈ સુધી ચાલશે.

અષાઢ ગુપ્ત નવરાત્રી ઘટસ્થાપન મુહૂર્ત 2022

અષાઢ માસની ગુપ્ત નવરાત્રિ માટે કળશની સ્થાપના 30 જૂન ગુરુવારે સવારે 05.26 થી 06.43 સુધી કરવામાં આવશે.

અનેક શુભ સંયોગોમાં શરૂ થઈ રહી છે ગુપ્ત નવરાત્રી, જાણો તારીખ અને ઘટસ્થાપન મુહૂર્ત અને ખાસ વાતો

અષાઢ ગુપ્ત નવરાત્રી ઉપાય-

1. પ્રમોશન અને નોકરી માટે મા દુર્ગાની સામે ઘીનો દીવો પ્રગટાવો. નવ પતાશા લો અને દરેક પતાશા પર બે લવિંગ મૂકો. હવે મા દુર્ગાને એક પછી એક બધી વસ્તુઓ અર્પણ કરો. નવરાત્રિની કોઈપણ રાત્રે આ ઉપાય કરવો.

2. માન્યતા અનુસાર જો લગ્ન કરવામાં વિલંબ થતો હોય તો  મા દુર્ગાની સામે ઘીનો દીવો પ્રગટાવો. આ પછી તેને દરરોજ લાલ ફૂલોની માળા અર્પણ કરો. અને જલ્દી લગ્ન થઇ જાય તે માટે પ્રાર્થના કરો 

3. શાસ્ત્રો અનુસાર જીવનમાં પ્રગતિ અને સમૃદ્ધિ માટે કોઈપણ દિવસે દેવી મંદિરમાં જઈને લાલ ધજા ચઢાવો.

4. ધાર્મિક માન્યતા અનુસાર, નવરાત્રિ દરમિયાન દરરોજ બજરંગબલીને સોપારી અર્પણ કરો અને માતા રાનીને લાલ ચુનરીમાં મૂકીને પાંચ પ્રકારના ડ્રાયફ્રૂટ્સ અર્પણ કરો.

5. ગુપ્ત નવરાત્રિ દરમિયાન ધન અને સમૃદ્ધિની પ્રાપ્તિ માટે ઘરમાં ચાંદી કે સોનાનો સિક્કો લાવવાથી આશીર્વાદ મળે છે. એવું માનવામાં આવે છે કે દેવી લક્ષ્મી પ્રસન્ન રહેવાથી તેમની દરેક મનોકામના પૂર્ણ કરે છે.