તમારા કામનું / મકાન કે દુકાન કોઈને ભાડે આપ્યું હોય તો આ વાંચી લેજો, ક્યાંક ન આવે પસ્તાવવાનો વારો

• આધાર કાર્ડ વેરિફાઈ આ રીતે કરો 
• દરેક 12 આંકડાનો નંબર આધાર નહીં 
• ભાડુઆતે આપેલા ડોક્યુમેન્ટ આ રીતે કરો વેરિફાય

આધાર કાર્ડ ઈશુ કરતી સંસ્થા UIDAIએ આધાર વેરિફાઈ કરવાની રીત જણાવી છે. જેના દ્વારા તમે જાણકારી મેળવી શકો છો કે જે વ્યક્તિને તમે ભાડુઆત રાખ્યો છે તેનું આધાર કાર્ડ અસલી છે કે નકલી? આજે અમે તમને આ સંપૂર્ણ પ્રક્રિયા વિશે જણાવીશું. 

દરેક 12 ડિજિટનો નંબર આધાર નંબર નથી હોતો 
UIDAIએ જણાવ્યા અનુસાર, દર 12 ડિજિટનો નંબર આધાર નથી હોતો. તેને વેરિફાઈ કરવો જરૂરી છે. આધાર નંબર વેરિફિકેશન UIDAIની વેબસાઈટના માધ્યમથી અમુક સેકન્ડ્સમાં જ કરી શકાય છે અને તેના માટે કોઈ ચાર્જ પણ નહીં લાગે. 

આ રીતે કરો આધાર નંબર વેરિફાઈ 
જણાવી દઈએ કે હાલના સમયમાં આધાર કાર્ડને આઈડી પ્રૂફના રૂપમાં દરે જગ્યા પર માન્ય ગણવામાં આવે છે. ઘણી જગ્યાઓ પર સૌથી પહેલા આધાર જ માંગવામાં આવે છે. પરંતુ આધાર સાથે જોડાયેલી સેવાઓને જોતા ઓથેરિટી UIDAIનું કહેવું છે કે દરેક 12 ડિજિટનો નંબર આધાર નથી હોતો માટે UIDAIએ દરેકના આધાર નંબર વેરિફાઈ કરવાની સુવિધા ઉપલબ્ધ કરાવી છે. 

આધાર નંબર વેરિફાઈ કરવા માટે સૌથી પહેલા resident.uidai.gov.in/verify લિંક પર લોગ ઈન કરો. અહીં 12 ડિજિટનો આધાર નંબર નાખો. સિક્યોરિટી કોડ અને કેપ્ચા ભર્યા બાદ Proceed to Verify પર ક્લિક કરો. 

વેરિફાઈ પર ક્લિક કર્યા બાદ જો તમારા દ્વારા આપવામાં આવેલા 12 ડિજિટ વાળો નંબર હકીકતમાં આધાર નંબર છે અને ડિએક્ટિવેટ નથી થયો તો તમારા તેના ચાલુ હોવા અને ઓપરેશનલ હોવાનું સ્ટેટસ વેબસાઈટ પર શો થવા લાગશે. સાથે જ વેરિફિકેશન પુરુ થયા બાદ મેસેજ પણ શો થશે.