કોરોના સંકટના સમયમાં ઘણાં લોકોને પોતાનું શહેર બદલવું પડી રહ્યું છે. એવામાં કરોડો લોકો સરકારી કામ માટે એડ્રેસને લઈને ઘણી પરેશાનીઓનો સામનો કરી રહ્યાં છે. તમારી આ જ પરેશાની દૂર કરવા માટે UIDAIએ આધાર કાર્ડમાં એડ્રેસ ચેન્જ કરવાથી જોડાયેલી નવી સર્વિસની જાહેરાત કરી છે. આ સર્વિસ હેઠળ તમે ઘરે બેઠા સરળતાથી આધાર કાર્ડમાં તમારું એડ્રેસ બદલાવી શકો છો. તમને જણાવી દઈએ કે આ માટે UIDAIએ એક વીડિયો જારી કર્યો છે. જેમાં એડ્રેસ ચેન્જ કરવાની તમામ જાણકારી બતાવવામાં આવી છે. આ વીડિયોની મદદથી કોઈપણ સરળતાથી ઘેર બેઠા આધાર કાર્ડમાં એડ્રેસ ચેન્જ કરી શકે છે.
કોરોના સંકટમાં એડ્રેસ ચેન્જને લઈને ઘણાં લોકોને પરેશાની થઈ રહી છે
હવે તમે સરળતાથી ઘરે બેઠા આધાર કાર્ડમાં એડ્રેસ ચેન્જ કરી શકશો
UIDAIએ નવી સર્વિસની જાહેરાત કરી
UIDAIએ ટ્વિટ કરીને જણાવ્યું કે, તમારે સૌથી પહેલાં UIDAIની ઓફિશિયલ વેબસાઈટ https://uidai.gov.in/ પર જવું પડશે. અહીં જઈને 'Online Address Update' પર ક્લિક કરો.
પછી અહીં તમારા વર્તમાન ઘરનું સાચું એડ્રેસ લખો. આ સાથે જ સહાયક ડોક્યૂમેન્ટ્સની કલર્ડ સ્કેન ફાઈલ અપલોડ કરવી પડશે.
આને અપલોડ કર્યા બાદ તમારું નવું એડ્રેસ અપડેટ થઈ જશે. આ પ્રોસેસ દ્વારા તમારે લાંબી લાઈનોમાં લાગવું નહીં પડે અને કોઈપણ ચાર્જ વિના બસ મિનિટોમાં તમારું કામ થઈ જશે.
આ વીડિયોમાં જુઓ આધારમાં એડ્રેસ ચેન્જ કરવાની સંપૂર્ણ જાણકારી
સૌથી પહેલાં UIDAIની વેબસાઈટ https://uidai.gov.in/ પર જાઓ. અહીં તમને My Adhaar ટેબ મળશે. ડ્રોપડાઉનના બીજા ટેબ Udate Your Aadhaarમાં જઈને તેના ડ્રોપડાઉનમાં ત્રીજા ઓપ્શન Update your address online પર ક્લિક કરો.
તેના પર ક્લિક કરતા જ નવો પેજ ખુલશે. અહીં નીચે સ્ક્રોલ કરવા પર Proceed to Update Address પર ક્લિક કરો. ત્યારબાદ નવો પેજ ખુલશે.
આ પેજ પર સૌથી પહેલાં તમારો આધાર નંબર, કેપ્ચા વેરિફિકેશન નાખીને નીચે Send OTP પર ક્લિક કરો. હવે તમારા આધાર રજિસ્ટર્ડ નંબર પર એક ઓટીપી આવશે.
હવે એ OTP એન્ટર કર્યા બાદ તમારે Data Update Request પર ક્લિક કરવું પડશે. ત્યારબાદ એડ્રેસવાળા ઓપ્શન પર ક્લિક કરીને તમારું એડ્રેસ ચેન્જ થઈ જશે.