તમારા કામનું / આધાર ધારકો માટે કામના સમાચાર, ઘરે બેઠાં આ પ્રોસેસ કરી લેજો નહીંતર થઈ શકે છે...

બાયોમેટ્રિક લોકના ફાયદા

આધારમાં બાયમેટ્રિક લોકનો મતલબ  તમારી ફિંગરપ્રિન્ટ અને આંખથી ડેટાને લોક કરવું. એકવાર બાયમેટ્રિક લોક થઈ જાય, પછી આધાર ધારક અથવા અન્ય કોઈ વ્યક્તિ તેનો ઉપયોગ ઓથેન્ટિકેશન વિના કરી શકશે નહીં. આધાર ધારકો જ્યારે જરૂર પડે ત્યારે તેને અનલોક કરી શકે છે. આ સેવાનો લાભ મેળવવા માટે, રજિસ્ટર્ડ મોબાઇલ નંબર હોવો જરૂરી છે.

ઘેર બેઠા આ રીતે કરો બાયોમેટ્રિક લોક

સૌથી પહેલાં  https://uidai.gov.in/ પર જાઓ. 

હવે હોમ પેજ પર થોડું નીચે આવો. આધાર સેવાઓ વિભાગ અહીં મળશે. તેમાં લોક / અનલોક બાયોમેટ્રિક્સ વિકલ્પ પર ક્લિક કરો.

હવે અહીં તમારે તમારો 12 અંકનો આધાર નંબર નાખવો પડશે. જો તમે ઇચ્છો તો તમે વર્ચ્યુઅલ આઈડી નંબરનો વિકલ્પ પણ પસંદ કરી શકો છો.

પછી વેરિફિકેશન માટે કેપ્ચા નાખો અને સેન્ડ ઓટીપી પર ક્લિક કરો
આ પછી તમને નવા પોપ અપમાં રજિસ્ટર્ડ મોબાઇલ નંબર પર મળેલો ઓટીપી નાખવો પડશે. પછી સબમિટ પર ક્લિક કરો. તમારું આધાર બાયમેટ્રિક લોક થઈ જશે.

બાયોમેટ્રિક્સને કરો અનલોક

તમારા બાયોમેટ્રિક્સને અનલોક કરવા માટે લોકવાળી પ્રક્રિયાને પુનરાવર્તિત કરો.

આ પછી, 'અનલોક બાયમેટ્રિક' પર ક્લિક કરો. આ ફીચર પર ક્લિક કરીને, તમારી બાયોમેટ્રિક્સ થોડી મિનિટો માટે અનલોક થઈ જશે અને તે સમયગાળાના અંતે ફરીથી લોક થઈ જશે. તમે અનલોક સમયગાળા દરમિયાન તમારા આધાર નંબરને પ્રમાણિત કરવા માટે તમારી ફિંગરપ્રિન્ટ / આંખો જેવા બાયોમેટ્રિક્સનો ઉપયોગ કરી શકો છો અને જો તમે તમારી બાયોમેટ્રિક્સને કાયમી ધોરણે અનલોક કરવા માંગતા હો તો પછી ડિસેબલ લોકિંગ ફીચર પર ક્લિક કરો.