નોકરિયાત લોકો જ્યારે નોકરી બદલે તો પીએફના પૈસાને લઈને ચિંતા થવા લાગે છે. જેથી આજે અમે તમને પીએફના પૈસા ઉપાડવા કે પછી ટ્રાન્સફર કરવાની સરળ પ્રોસેસ જણાવીશું.
નોકરી બદલી હોય તો પીએફના પૈસાની ચિંતા ન કરતા
આ સરળ પ્રોસેસથી તમારા પીએફના પૈસા થઈ જશે ટ્રાન્સફર
ઘરે બેઠા જ કરી શકો છો આ કામ
જો તમે પણ કર્મચારી ભવિષ્ય નિધિ સંગઠન (EPFO ના સભ્ય પણ છો તો તમે PF ઓનલાઇન ટ્રાન્સફર કરી શકો છો. નોકરી બદલવા પર તમારે તમારા જૂના EPF ખાતામાંથી નવી કંપનીના EPF ખાતામાં પૈસા ટ્રાન્સફર કરવા પડશે, જેથી તમને PFની કુલ રકમ પર વધુ વ્યાજ મળી શકે. ચાલો જાણીએ તમે તમારો પીએફ કેવી રીતે ટ્રાન્સફર કરી શકો છો.
ઘરે બેઠા ઓનલાઈન ટ્રાન્સફર કરો પીએફના પૈસા
સૌથી પહેલાં EPFO વેબસાઇટ પર UAN નંબર અને પાસવર્ડથી લોગિન કરો.
પછી EPFO વેબસાઇટ પર ઓનલાઈન સર્વિસ પર જાઓ અને પછી Online Member-One EPF Account (Transfer Request) પર ક્લિક કરો.
અહીં ફરી તમારો યૂએએન નંબર નાંખો અને જૂની ઈપીએફ મેમ્બર આઈડી નાંખો. તમને તમારા ખાતાની જાણકારી મળી જશે.
અહીં ટ્રાન્સફર ચકાસવા માટે તમારી જૂની કે નવી કંપની પસંદ કરો.
પીડીએફ ફાઇલમાં ઓનલાઈન પીએફ ટ્રાન્સફર અરજીની સેલ્ફ અટેસ્ટેડ કોપી ઓનલાઈન અરજી સબમિટ કર્યાના 10 દિવસની અંદર પસંદ કરેલી કંપની અથવા સંસ્થાને સબમિટ કરો. તે પછી કંપની તેને મંજૂરી આપશે. મંજૂરી મળ્યા પછી હાલની કંપની સાથેના નવા પીએફ ખાતામાં ટ્રાન્સફર થાય છે.
યૂએએન નંબર
જો તમે ખાનગી ક્ષેત્રમાં કામ કરો છો તો તમને EPFO તરફથી યુનિવર્સલ એકાઉન્ટ નંબર મળે છે. જ્યારે કોઈ વ્યક્તિ તેની નોકરીમાં ફેરફાર કરે છે, ત્યારે બીજી કંપનીને માત્ર પોતાનું યૂએએન આપવાનું હોય છે. જે પછી તમારું એકાઉન્ટ ત્યાં એક્ટિવ થાય છે. આવી સ્થિતિમાં જો તમે તમારું UAN ભૂલી ગયા છો તો તમારે ચિંતા કરવાની જરૂર નથી. તમે તમારો UAN નંબર પણ સરળતાથી શોધી શકો છો.