કામની વાત / ફેટી લિવરને નેચરલ રીતે તંદુરસ્ત રાખશે આ ફૂડ, જાણો હેલ્થ સિક્રેટ્સ

• હેલ્થને લઇને થઇ જાવ સતર્ક
• કેવી રીતે રહેશો હેલ્ધી?

દિનચર્યા સુધારો 

ખોટાં રૂટિનને કારણે લિવરમાં સોજાની સમસ્યા રહે છે. આવા સંજોગોમાં પોતાનો ડેઇલી રૂટિન ચાર્ટ તૈયાર કરો. સવારે વહેલા ઊઠીને યોગ અને એક્સર્સાઇઝ કરો. હેલ્ધી ડાયટ લો. મોડી રાત સુધી જાગવાના બદલે સમયે સૂવાની આદત પાડો. તેનાથી તમારા આખા શરીરને આરામ મળશે. 

કેફીનથી દૂર રહો 

 દારૂ, તમાકુ, ચા, કોફી વગેરે જેવી વસ્તુઓનુ વધુ માત્રામાં સેવન કરવાથી ફેટી લિવરની સમસ્યા આવી શકે છે. તેનાથી સિરોસીસ કે આલ્કોહોલિક હિપેટાઇટીસ થવાનો ખતરો અનેક ગણો વધી જાય છે. આ સાથે ભારે માત્રામાં મીઠી વસ્તુઓનાં સેવનથી લિવર સાથે જોડાયેલી સમસ્યાઓ થાય છે. 

યોગ અને એક્સર્સાઇઝ કરો 

રોજ સવારે ૩૦ મિનિટ ખુલ્લી તાજી હવામાં એક્સર્સાઇઝ કરવાથી ફેટી લિવરની પરેશાનીથી બચી શકાય છે. આ ઉપરાંત તમારા વધતાં વજનને કન્ટ્રોલમાં રાખો લિવરને હેલ્ધી રાખવા માટે વજન પર કન્ટ્રોલ રાખવો ખૂબ જરૂરી છે.

તજ, અળસીનાં બી, આમળાંનું સેવન કરો 

ઔષધીય ગુણોથી ભરપુર તજનો પાઉડર બનાવીને તેનો ઉપયોગ કરો. એક ગ્લાસ પાણીમાં બે ચપટી તજનો પાઉડર નાખી ઉકાળો. તૈયાર થયેલા પાણીને ગાળીને તેનું સેવન સવારે ભૂખ્યા પેટે કરો. અળસીનાં બી અનેક પોષક તત્વોથી ભરપુર હોય છે. તેનાં બીને સલાડમાં નાખીને કે અન્ય કોઇ વાનગીમાં મિક્સ કરીને કે પછી મુખવાસ તરીકે ખાવાં જોઇએ. આમળાં તમામ વિટામિન્સ, મિનરલ્સ અને એન્ટી ઓક્સિડન્ટથી ભરપુર છે. તેનાં સેવનથી લિવરની યોગ્ય રીતે સાફ સફાઇ થઇ શકે છે. તેને કાચાં પણ ખાઇ શકાય અને તેનો ચ્યવનપ્રાશ, આચાર, મુરબ્બો વગેરેનાં રૂપમાં તેને ડાયટમાં સામેલ કરો.