રસોઈ ટિપ્સ / પનીરને લાંબા સમય સુધી મુલાયમ અને ફ્રેશ રાખવું છે તો કરી લો આ 1 કામ, નહીં પડે મુશ્કેલી

• આ રીતે પનીરને રાખો ફ્રેશ
• મુલાયમ અને ફ્રેશ પનીર માટે છે આ ખાસ ટ્રિક્સ
• જાણો કેવી રીતે રહેશે પનીર લાંબા સમય સુધી તાજુ

અનેકવાર એવું બને છે કે તમે પનીર લઈને આવો છો અને તેને ફ્રિઝમાં રાખી લો છો. થોડા સમય બાદ તે પીળું પડી જાય છે અને તેમાં ફ્રેશનેસ રહેતી નથી. આ માટે અમે આપને કેટલીક ટ્રિક બતાવી રહ્યા છીએ જેની મદદથી તમે પનીરને મુલાયમ અને ફ્રેશ રાખી શકશો.  

કોટનના કપડામાં લપેટીને રાખો
પનીરની ફ્રેશનેસ જળવાઈ રહે તે માટે તમે તેને કોટનના સામાન્ય ભીના કપડામાં લપેટીને રાખી શકો છો. પનીરને કોટનના કપડામાં લપેટીને રાખો અને તેને ફ્રિઝમાં રાખો. તેનાથી તે સોફ્ટ રહેશે.

3-4 દિવસ સુધી રાખવા માટે કરો આ કામ 
જો તમે પનીરને 3-4 દિવસ રાખવા ઈચ્છો છો તો તેને પાણીમાં રાખીને ફ્રિઝમાં રાખો. એવા વાસણમાં પાણી નાંખીને રાખો જેનાથી પનીર સંપૂર્ણ રીતે ડૂબેલું રહે. આ પછી વાસણને ફ્રિઝમાં રાખો. જો બીજા દિવસે તેને ઉપયોગમાં ન લો તો તેનું પાણી બદલી લો અને આમ રોજ કરો. તેનાથી પનીર થોડા દિવસ સુધી ફ્રેશ રહેશે અને સ્મેલ પણ નહીં આવે.  

મીઠાના પાણીનો કરો ઉપયોગ
જો તમે પનીરને એક અઠવાડિયા સુધી ફ્રેશ રાખવા ઈચ્છો છો તો તેને મીઠાના પાણીમાં રાખો. તેને માટે એક વાસણમાં પાણી અને મીઠું મિક્સ કરી લો. તેમાં પનીર રાખો. પાણીને પણ 1-2 દિવસે બદલતા રહો. પનીર લાંબા સમય સુધી તાજુ અને મુલાયમ રહેશે.  

આ રીત પણ કરી શકો છો ટ્રાય
એક અઠવાડિયાથી વધારે સમય સુધી પનીરને સ્ટોર કરવું છે તો તેને નાના પીસમાં કાપી લો. હવે તેને થોડા કલાક સુધી ફ્રિઝરમાં રાખો. થોડા સમય પછી તેને ઝિપલોક બેગમાં રાખી લો અને તેને ફ્રિઝરમાં સ્ટોર કરો. જ્યારે પનીરનો ઉપયોગ કરવો હોય તેની થોડી વાર પહેલા તેને ફ્રિઝરમાંથી બહાર કાઢીને રાખો અને તે સોફ્ટ થઈ જાય પછી તેનો ઉપયોગ કરો. આ માટે તમે તેને હૂંફાળા પાણીમાં પણ રાખી શકો છો.