યૂટિલિટી / આ રીતે પ્રિઝર્વ કરશો લીલા વટાણા તો આખું વર્ષ માણી શકશો તેનો સ્વાદ

કરી લો આ કામ

• વટાણા પ્રિઝર્વ કરવા માટે હમેશા સારી વટાણાની ફળીઓ લેવી. 
• હવે તમે સ્ટોર કરવા ઈચ્છતા હોવ તેટલા વટાણાને ફોલી લો.
• એક મોટા વાસણમાં બે લીટર પાણી ઉકાળી લો. 

• એક બીજા વાસણમાં એક લીટર ફ્રીઝનું ઠંડુ પાણી અને બે આઈસ ટ્રે નાંખી દો. 
• જ્યારે ગેસ પર ચઢાવેલું પાણી ઉકળવા લાગે તો પાણીમાં વટાણા નાખી 2 મિનિટ માટે ઉકાળી લો. જ્યારે વટાણા ઉપર આવવા લાગે તો તેને ઠંડા પાણીમાં નાખતા જાઓ. 
• ઠંડા પાણીમાં નાખવાથી વટાણાની રંધાવવાની એટલે કે વધારે ચઢવાની પ્રક્રિયા બંધ થશે. ઠંડા પાણીમાં 7-8 મિનિટ સુધી નાખી મૂકો. 
• થાળીમાં એક સફેદ કપડું પાથરી લો. તેના પર ઠંડા પાણીમાંથી કાઢી વટાણા ફેલાવી દો. 30 મિનિટ સુધી વટાણાને એમ જ ખુલ્લા રહેવા દો. 
• વટાણામાં હળવું મીઠું મિક્સ કરી લો. ઝિપ લોક બેગ કે પછી કોઈ કાચના જારમાં ભરીને ફ્રીઝમાં મૂકી દો. ધ્યાન રાખો કે જે ઝિપ લોક બેગ કે જે વાસણમાં સ્ટૉર કરી રહ્યા છો તેમાં વટાણા ભરતા સમયે જરા પણ ભેજ ન હોય.
• તમે ફ્રીઝરમાં આખું વર્ષ વટાણાને આ રીતે રાખી શકો છો.