ખેતી / દર મહિને 50 હજારથી વધુની કરો બમ્પર કમાણી, ઓછા રોકાણમાં પણ બનો બિઝનેસમેન

• ખજૂરની ખેતીથી 50 હજાર રૂપિયાની કમાણી કરી શકશો
• એક એકરના ખેતરમાં ખજૂરના લગભગ 70 છોડ ઉગાડાય છે
• એક સિઝનમાં 2-3 લાખ રૂપિયાની કમાણી સરળતાથી કરી શકશો 

ઓછા બજેટમાં લગાવો ખજૂરના છોડ 

ખજૂરની ખેતી કરવાથી વધુ ખર્ચ થશે નહીં. એક એકરના ખેતરમાં ખજૂરના લગભગ 70 છોડ ઉગાડવામાં આવે છે. ખજૂરના એક વૃક્ષમાં 70 થી 100 કિલો સુધીનું ઉપજ થાય છે. એવામાં તમે એક એકરના ખેતરમાંથી એક વખતમાં 5 હજાર કિલો ખજૂરનું ઉત્પાદન કરી શકો છો. માર્કેટમાં ક્વોલિટીના હિસાબ પ્રમાણે ખજૂર ખૂબ મોંઘા ભાવે વેચાય છે. એવામાં તમે ખજૂર દ્વારા એક સિઝનમાં 2-3 લાખ રૂપિયાની કમાણી સરળતાથી કરી શકો છો. 

રેતાળ અને ચિકણી માટીની જરૂર 

ખજૂરના છોડ લગાવવા માટે રેતાળ અને ચિકણી માટીની જરૂર હોય છે. એવામાં ખેતી શરૂ કરતા પહેલા ખેતરની માટી હળથી પલટાવીને ઉંડુ ખેડાણ કરવુ જોઈએ. પછી ખેતરને થોડા દિવસો માટે ખુલ્લો છોડી દેવો. ત્યારબાદ કલ્ટીવેટર દ્વારા 2-3 વખત ફરીથી ખેડાણ કરો. આવુ કરવાથી ખેતરની માટી ચિકણી થઇ જશે. પછી ખેતરને સમતોલ કરીને તેના પર ગોબરની ખાતર નાખી દો.

ગરમીમાં ખજૂરનો છોડ ઝડપથી ઉગે છે 

ખજૂરના છોડને વધુ પાણીની જરૂર નથી. જેટલી ગરમી વધારે પડે છે, ખજૂરનો છોડ એટલો જ ઝડપથી આગળ વધે છે. ખજૂરના ફળને પકવવા માટે 45 ડિગ્રી તાપમાનની જરૂર હોય છે. ખજૂરના છોડની રોપણી માટે ઓગષ્ટનો મહિનો મહત્વનો માનવામાં આવે છે.