થોડા સમય પહેલા સુધી તમે WhatsApp પર ચેટ કરી શકતા, પરંતુ ધીમે-ધીમે આ પૉપ્યુલર મેસેજિંગ એપમાં ઘણા શાનદાર ફિચર્સ એડ કરવામાં આવ્યા જેમાં એક WhatsApp Status પણ છે.
આ ફિચર સ્નેપચેટ અને ઇન્સ્ટાગ્રામ સ્ટોરીઝ ફિચરને મળતુ આવે છે, જ્યાં તમે અપલોડ કરેલી ફોટોઝ અને વીડિયોઝ 24 કલાક સુધી રહે છે. WhatsApp Status મૂકવુ ખૂબ જ સરળ છે પરંતુ શું તમે જાણો છો કે, તમે કોઇ બીજાનો WhatsApp Status સેવ પણ કરી શકો છો. ઘણી વખત એવો વીડિયો કે ફોટો હોય જે તમને ખૂબ જ પસંદ આવ્યો હોય અને તમે સેવ કરવા માગો છો. તો અમે તમને જણાવી કે એન્ડ્રોઇડ યૂઝર્સ પોતાના સ્માર્ટફોનમાં કેવી રીતે Status સેવ કરી શકે છે. આ માટે ફૉલો કરો માત્ર આટલા સ્ટેપ્સ:
WhatsApp હિડન ફોલ્ડરમાંથી મેળવો Status:
- તમે જ્યારે પણ કોઇનું WhatsApp Status ચેક કર્યું હશે તો તે ઓટોમેટિક જ તમારા ફોનમાં ડાઉનલોડ થઇ જશે. તે .statuses નામના હિડન ફોલ્ડરમાં સેવ હોય છે. પરંતુ ફોલ્ડર હિડન હોવાથી ફાઇલ મેનેજરમાં જવા છતાં તમને આ ફોલ્ડર દેખાતુ નથી. આ ફોલ્ડર જોવા માટે તમારે કેટલાક સ્ટેપ્સ ફોલો કરીને પહેલા તેને અનહાઇડ કરવુ પડશે.
- આ માટે તમારે .statuses ફોલ્ડરને અનહાઇડ કરવું પડશે. બાદમાં તમે કોઇ પણ સ્ટોરી કે વીડિયોને સેવ કરી શકશો.
- ફોલ્ડરને અનહાઇડ કરવા માટે File Managerમાં જાઓ. અહીં WhatsApp ફોલ્ડર ઓપન કરો. અહીં જમણી બાજુ ઉપર કોર્નરમાં સેટિંગ્સ પર ક્લિક કરીને 'Show Unhide Files' પર ક્લિક કરો. હવે Media folderને ઓપન કરવાથી .Statuses ફોલ્ડર દેખાશે.
- આ ફોલ્ડરમાં તમે જેમના સ્ટેટસ વીડિયો અને ફોટો જોયા હશે તે સ્ટોર થયેલા હશે.
એપ્સ દ્વારા:
- આ સિવાય તમે પ્લેસ્ટોરમા જઇને ઘણી એપ્સની મદદથી પણ WhatsApp Status ડાઉનલોડ કરી શકશો.
- જેમાં તમે Story Saver for WhatsApp નામની એપ ખૂબ પોપ્યુલર છે. એક વખત આ એપને ડાઉનલોડ કર્યા પછી WhatsApp એકાઉન્ટ સાથે કનેક્ટ થઇ જશે.
- ઇન્સ્ટોલ કર્યા પછી રિસન્ટ સ્ટોરી પર ક્લિક કરશો તો ઘણી સ્ટોરી ખૂલશે. અહીં તમે જે સ્ટોરી ડાઉનલોડ કરવા ઇચ્છો છો તેને ડાઉનલોડ કરી શકશો.