વોટ્સએપ દુનિયાની સૌથી પોપ્યુલર મેસેજિંગ એપ છે. વર્ષ 2017માં કંપની સ્નેપચેટ અને ઈન્સ્ટાગ્રામ સ્ટોરીઝની જેમ વોટ્સએપ સ્ટેટસ ફીચર પણ લઈને આવી હતી. વોટ્સએપ સ્ટેટસ પર રહેલી તસવીરો અને વીડિયો 24 કલાકમાં ગાયબ થઈ જાય છે. ઘણીવાર આપણને કોઈકનું વોટ્સએપ સ્ટેટસ ખૂબ જ પસંદ આવી જાય છે અને આપણે તેને સેવ કરવા માંગીએ છીએ પણ વોટ્સએપમાં સ્ટેટસ સેવ કરવા માટે કોઈ ફીચર આપ્યું નથી. ઘણાં લોકો સ્ક્રીનશોટ દ્વારા ફોટોઝ તો સેવ કરી લે છે પરંતુ વીડિયો સેવ કરી શકાતા નથી. જેથી આજે અમે તમને એવી રીત જણાવીશું, જેની મદદથી તમે સરળતાથી વોટ્સએપ સ્ટેટસ અને વીડિયો તમારા ફોનમાં સેવ કરી શકશો. આ માત્ર એન્ડ્રોઈડ ફોનમાં જ કામ કરશે.
એન્ડ્રોઈડ ફોનમાં આ રીતે સેવ કરો વોટ્સએપ સ્ટેટસ
સૌથી પહેલાં પ્લે સ્ટોરમાં જઈ ફોનમાં Google Files એપ ડાઉનલોડ કરો.
પછી આ એપ ઓપન કરો અને ટોપ રાઈટ કોર્નરમાં આપેલા મેન્યૂ ઓપ્શન પર જાઓ.
તેમાં Settings ઓપ્શનમાં જાઓ અને Show hidden files ઓપ્શન ઓન કરી દો.
હવે એપમાં નીચે લખેલાં Browse પર ટેપ કરો.
અહીં Internal Storageમાં જાઓ.
હવે વોટ્સએપ નામના ફોલ્ડરમાં Mediaમાં જાઓ.
અહીં તમને Statuses ફોલ્ડર દેખાશે.
આ ફોલ્ડરમાં તમને તમારા મિત્રોના વોટ્સએપ સ્ટેટ્સ દેખાઈ જશે.
તમે જે પણ તસવીર કે વીડિયોને ઓપન કરવા માગો છો તેના નામની આગળ જમણી તરફ બનેલાં ડાઉનલોડના નિશાન (v) પર ટેપ કરો.
અહીં બહુ બધાં ઓપ્શન ખુલશે. જેમાં Copy To ઓપ્શન સિલેક્ટ કરો.
હવે Internal Storageને ક્લિક કરો અને તમારી પસંદના ફોલ્ડરમાં તેને સેવ કરો.