સ્માર્ટફોન / આ 5 સરળ ટિપ્સ અપનાવી લેશો તો, લાંબો સમય ચાલશે તમારા ફોનની બેટરી

• ટાઈપિંગ અને નોટિફિકેશનમાં વાઈબ્રેટ મોડ રાખવં નહીં
• ફોનમાં ગેમિંગ અને શોપિંગ એપ્સ વધુ બેટરી કન્ઝ્યૂમ કરે છે
• બેટરી auto-syncને ટર્ન ઓફ કરીને રાખવું

વાઈબ્રેશન મોડ ઓફ રાખો

તમારા ફોનની બેટરી બચાવવી હોય તો સૌથી પહેલાં તમારા ફોનના વાઈબ્રેશન મોડને ઓફ કરી દો. ફોનનું વાઈબ્રેશન મોડ ઓન હોવાથી બેટરી જલ્દી ડ્રેન થાય છે. જેથી ફોનના કીબોર્ડ પર ટાઈપિંગથી લઈને નોટિફિકેશન્સ સુધી બધાનું વાઈબ્રેશન ઓફ રાખવું જોઈએ. 

બેકગ્રાઉન્ડ કલર બ્લેક રાખો

આજકાલ મોટાભાગના સ્માર્ટફોન્સમાં AMOLED ડિસ્પ્લે જોવા મળે છે. જો તમારા ફોનમાં પણ AMOLED ડિસ્પ્લે છે તો તમારા ફોનનો બેકગ્રાઉન્ડ કલર બ્લેક રાખો. તેનાથી પણ બેટરી બચશે. હકીકતમાં તમારા ડિસ્પ્લેમાં જેટલો બ્લેક કલર હશે એટલી જ બેટરી ઓછી ડ્રેન થશે. 

ફોનને અપડેટ કરતા રહો

જો ફોનની બેટરી ચકાચક રાખવી હોય તો સમયાતંરે તમારા ફોનને અપડેટ કરતા રહો. તેનાથી બેટરી બેકઅપથી લઈને સ્માર્ટફોન્સની પર્ફોમન્સમાં સુધાર આવે છે. 

auto-syncને ટર્ન ઓફ કરી દો

ફોનમાં બેટરી auto-syncને ટર્ન ઓફ કરી દો. તેનાથી પણ બેટરી લાઈફ બચશે. જો ફોનમાં ઈન્ટરનેટ ન ચાલી રહ્યું હોય તો વાઈ-ફાઈ, જીપીએસ અને બ્લૂટૂથ બંધ રાખો. આ સિવાય ફોનમાં NFC ફીચર પણ ઓફ રાખો. 

શોપિંગ એપ્સ ડિલીટ કરી દો

જો તમે તમારા ફોનની બેટરી લાઈફ વધારવા માગો છો તો ફોનમાંથી એક્સ્ટ્રાની બેકાર એપ્સ હટાવી દો. ગેમિંગ અને શોપિંગ એપ્સ ડિલીટ કરી દો. આ એપ્સ વધુ ડેટા કન્ઝ્યૂમ કરવાની સાથે બેટરી પણ વધુ કન્ઝ્યૂમ કરે છે.