જો તમે તમારા લોકેશનમાં ATM લગાવવાની જાહેરાત જોવો તો સીધો બેન્કનો એપ્રોચ કરી શકો છો. મોટા ભાગની બેન્ક લોકલ ન્યુઝપેપરમાં એડવર્ટાઈઝમેન્ટ આપે છે. આ જાહેરાતનો એક સમયગાળો હોય છે જેની અંદર તમારે સંબધિત બેન્કમાં પૂછપરછ કરવાની હોય છે. જાહેરાત આપ્યા બાદ બેન્ક તેની વેબસાઈટ પર એપ્લિકેશન ફોર્મ પણ અપલોડ કરે છે.
તમે રિક્વાયરમેન્ટ જોઈને આ ફોર્મ ભરીને બેન્કમાં જમા કરાવી શકો છો. બાદમાં બેન્કની માર્કેટિંગ ટીમ તમારી જગ્યાનો સર્વ કરે છે. એટીએમ લગાવવાની જરૂરિયાત હોય તો મોટાભાગની બેન્ક પોતાની વેબસાઈટના ટેન્ડર સેકશનમાં આ અંગે માહિતી મૂકે છે. એવામાં વેબસાઈટ ચેક કરીને આ અંગે માહિતી મેળવી શકાય છે.
કયા લોકેશનમાં બેંક ATM ઇન્સ્ટૉલ કરે છે:
લોકેશન સિલેક્ટ કરવાની દરેક બેંકની પોતાની એક ગાઇડલાઇન હોય છે જે બેંકની માર્કેટિંગ ટીમ દ્વારા તૈયાર કરવામાં આવે છે કેટલાક કોમન પોઈન્ટ છે જે તેમાં જોઈ શકાય છે.
હોસ્પિટલ કોલેજ સરકારી ઓફિસિસ રેલવે સ્ટેશન બસ સ્ટેશનની આસપાસની જગ્યા ફર્સ્ટ પ્રિફરેન્સમાં આવે છે કારણ કે અહીં પબ્લિક વધુ હોય છે.
તમે જ્યાં ATM લગાવવા માંગો છો તો તમારી પાસે ઓછામાં ઓછી 50થી 80 સ્કેવર ફિટ ખાલી જગ્યા હોવી જોઈએ.
ગ્રાઉન્ડ ફ્લોરની પ્રોપર્ટી છે તો તમે ATMમાં એપ્લાઇ કરો. અહીં 24 કલાક વિજળી સપ્લાયની સુવિધા પણ હોવી જોઇએ.
લોકેશન એવું હોવું જોઇએ જ્યાં લોકો સરળતાથી જવાનું પસંદ કરતાં હોય.
પ્રોપર્ટી કોમર્શિયલ યુઝની હોવી જોઈએ. જો આમ ન હોય તો તમારે પહેલેથી તેની પરવાનગી લેવી પડશે.
સિક્યોરીટીની રીતે તે મજબૂત હોવી જોઈએ. જો પાર્કિંગ સ્પેસ પણ હોય તો તે તમારા માટે પ્લસ પોઈન્ટ બની શકે છે.
કેટલી છે કમાણી:
ATMનું ભાડું લોકેશન પર ડિપેન્ડ કરે છે. જો તમારી પ્રોપર્ટી મેટ્રો સિટીમાં કોઈ એક લોકેશન પર છે જયાં લોકોને ખુબ જ આવવા-જવાનું હોય છે તો તમે 50થી 60 હજાર રૂપિયા મહિના સુધીની કમાણી કરી શકો છો. જો કોઈ કોલોની એવરેજ અવર-જવર વાળી હોય તો રૂપિયાથી 15 રૂપિયા મહિતના સુધીનું ભાડું તમને મળી શકે છે. ગામમાં 2થી 5 હજારની વચ્ચે ભાડું બેન્ક દ્વારા આપવામાં આવે છે.
સુરક્ષાની જવાબદારી બેન્કની:
ATM મશીન AC સુરક્ષાની વ્યવસ્થા અને મેન્ટેનન્સની જવાબદારી બેન્કની હોય છે. ઈન્ડિયામાં મુખ્ય ટાટા ઈન્ડિકેશ ATM મુથ્થુટ ATM અને ઈન્ડિયા વન ATM કંપનીઓ છે જે મશીન ઈન્સ્ટોલ કરે છે. તમે આ કંપનીઓની વેબસાઈટ દ્વારા ATMની રિકવાયરમેન્ટની માહિતી મેળવી શકો છો. આ વેબસાઈટસ ઓનલાઈન એપ્લાઈ કરવાનો પણ ઓપ્શન આપે છે.
છેતરપિંડીકરનારાઓથી બચીને રહો
ઘણા લોકો ATM લગાવવાના નામ પર લોકોને ઠગાવાનું કામ કરે છે. પોતાને કંપનીના પ્રતિનિધિ બતાવીને કરેછે છેતરપિંડી. એવામાં તમારે સતર્ક રહેવું જોઈએ. ઈન્ડિકેશ કંપનીએ તેની વેબસાઈટ પર પણ સૂચના આપી છે કે કોઈની વાતમાં આવીને આ અંગેનો નિર્ણય ન કરો.