ઉનાળામાં આકરા તાપથી બચવા માટે આપણે કેટલી બધી બજારુ પ્રોડક્ટનો ઉપયોગ કરીએ છીએ. પરંતુ તેના બદલે રસોડામાં મળી જતી વસ્તુનો ઉપયોગ કરવાથી ગરમીથી થતી મુશ્કેલીમાં રાહત મળે
ગરમીને કારણે ચહેરો શ્યામ પડી ગયો છે ?
બટાકાનો ફેસ પેક ઘટાડશે ચહેરાની કાળાશ
ગરમીમાં આ ખાસ ઉપાય અચૂક કરી જુઓ
હાલમાં રાજ્યમાં કાળઝાળ ગરમી પડી રહી છે. મોટા ભાગના શહેરોમાં તાપમાન 44 ડિગ્રીને પાર પહોંચ્યુ છે. આવા તડકામાં તો ઘરની બહાર નીકળવુ પણ મુશ્કેલ છે. પરંતુ કામ હોય તો બહાર તો જવુ પડેને . જો કે સનસ્ક્રીન લગાવીને બહાર નીકળાય પરંતુ કેટલી વાર સનસ્ક્રીન લગાવવું. આવી સ્થિતિમાં સ્કીન આપણી કાળી પડી જાય છે. સ્કીન પરથી ચમક જતી રહે છે. આવી સ્થિતિમાં આપણે જાહેરાતો જોઇને મોંઘી દાટ પ્રોડક્ટ્સ ખરીદી લાવીએ છીએ પરંતુ કંઇ ખાસ ફેર પડતો નથી. આવામાં તમને જણાવીએ એક સરળ અને ઘર ગથ્થુ ઉપચાર.
બટાકાનો મોટાભાગે શાકભાજીમાં ઉપયોગ થાય છે. તે રસોડામાં પણ સરળતાથી મળી રહે છે. તો શું તમે જાણો છો કે બટાકા ચહેરાના ટેનિંગની સમસ્યાને દૂર કરી શકે છે. તો ચાલો જાણીએ કે કેવી રીતે છેલ્લું બટેટા તમારા ચહેરાની ટેનિંગને ઘટાડી શકે છે.
બટાકામાં આ ગુણો હોય છે
તમને જણાવી દઈએ કે બટાકા ત્વચા માટે પણ ખૂબ જ ફાયદાકારક છે. તેમાં આયર્ન, પોટેશિયમ, વિટામિન-એ, વિટામિન-ડી જેવા ગુણો છે. ઘણી વખત તમે જોયું હશે કે આંખોને ઠંડક આપવા માટે કાચા બટાકાને કાપીને આંખો પર રાખવાની સલાહ આપવામાં આવે છે. બીજી તરફ જો તમે કાચા બટાકાનો યોગ્ય રીતે ત્વચા માટે ઉપયોગ કરશો તો તમને ફાયદો થશે.
કાચા બટાકાનો આ રીતે ફેસ પેક બનાવો
જો તમારા ચહેરા પર ખૂબ જ ટેનિંગ થઈ ગયું હોય તો તમારે બટેટાનો ફેસ પેક લગાવવો જોઈએ. આ માટે તમારે કાચા બટેટા, ગુલાબજળ અને મુલતાની માટી લેવી જોઈએ. પેક બનાવવા માટે તમારે પહેલા કાચા બટાકાને છીણી લેવાના છે. આ પછી, તમે તેને હાથ વડે ચહેરા પર પાંચ મિનિટ સુધી લગાવી શકો છો.
ફેસ પેકમાં મુલતાની માટી મિક્સ કરો
બટાકાનો ફેસપેક બનાવવા માટે તમારે મુલતાની માટી અને ગુલાબજળને મિક્સ કરો.ત્યારબાદ તેમાં છીણેલા બટેકા એડ કરો. હવે આ મિશ્રણને તમે ચહેરા પર લગાવીને સુકાય નહી ત્યાં સુધી રહેવા દો. ત્યારબાદ પાણીથી ચહેરો ધોઇ લો. ફેસ પર ટેનિંગ દૂર કરવા માટે 7 દિવસ સુધી દરરોજ આમ કરો. ત્વચામાંથી ટેનિંગ પણ દૂર થઈ જશે અને તમારો ચહેરો પણ ચમકવા લાગશે.