તમારા કામનું / મફતમાં રીમૂવ થઈ જશે ગાડી પરના સ્ક્રેચ! આ સરળ પ્રોસેસ કરો ફોલો, પરંતુ ખાસ ધ્યાન રાખો એક વાત

• ગાડી પર સ્ક્રેચ પડ્યો હોય તો ટિપ્સ તમારા કામની છે 
• ટૂથપેસ્ટના ઉપયોગથી હટાવો ગાડી પરનો સ્ક્રેચ 
• જાણો તેના માટેની પ્રોસેસ 

જો તમારી કાર પર સ્ક્રેચ લાગેલી છે અને તમે તેને ફ્રીમાં હટાવવા માંગો છો તો તમે આ કામ માટે ટૂથપેસ્ટનો ઉપયોગ કરી શકો છો. પરંતુ તમારે એક વસ્તુનું ધ્યાન રાખવું પડશે કે ટૂથપેસ્ટથી તે જ સ્ક્રેચ હટાવવામાં આવી શકે છે જે એકદમ માઈનોર હોય. એટલે કે પેઈન્ટના ઉપરના ભાગ પર લગાલી મામુલી સ્ક્રેચને જ તમે ટૂથપેસ્ટનો ઉપયોગ કરીને હટાવી શકો છો. જો સ્ક્રેચ ઉડો અને પેઈન્ટ સંપૂર્ણ રીતે દૂર થઈ ગયો હશે તો આ જુગાડ કામ નહીં આવે. 

કાર પર લાગેલી સ્ક્રેચને ટૂથપેસ્ટથી કઈ રીતે દૂર કરશો?
તેને એવી રીતે જુઓ કે ટૂથપેસ્ટ સેન્ડપેપરની જેમ કાર્ય કરે છે. તેની અંદર રહેલ ફોર્મ્યુલા નાના સ્ક્રેચને દૂર કરવામાં મદદ કરે છે. જ્યારે તમે સ્ક્રેચ વાળી જગ્યા પર ટૂથપેસ્ટ લગાવો છો અને તેને હળવા હાથે ઘસો છો તો તે સ્ક્રેચ થયેલી જગ્યાને સાફ કરે છે જેના કારણે ત્યાં હાજર કારનો પેઇન્ટ યોગ્ય રીતે દેખાય છે. આ હેતુ માટે તમે સફેદ ટૂથપેસ્ટનો ઉપયોગ કરી શકો છો. તે સરફેસને સાફ કરે છે જેનાથી સ્ક્રેચ ગાયબ થઈ જાય છે. 

આ રીતે કરો ઉપયોગ 
આ માટે સૌથી પહેલા કારની સ્ક્રેચ વાળી જગ્યાને યોગ્ય રીતે સાફ કરો. તેનાથી ધૂળ અને ગંદકી સાફ થઈ જશે. એવું એટલા માટે કે જ્યાંરે તમે ટૂથપેસ્ટને ત્યાં રગડો તો તેનાથી અન્ય સ્ક્રેચ ન આવી જાય. સ્ક્રેચ વાળી જગ્યાને સાફ કર્યા બાદ ટૂથપેસ્ટને મુલાયમ કપડા પર લઈ લો અને પછી તેને સ્ક્રેચ પર લગાવો. 

ત્યાર બાદ પેસ્ટને સ્ક્રેચ વાળા ભાગ પર યોગ્ય રીતે ધીરે ધીરે ઘસો. પછી ટૂથપેસ્ટને કારની બોડી પર સુકાવવા પહેલા લુછી લો. તેને સાફ મુલાયમ કપડાથી હટાવો. હવે સ્ક્રેચ સાફ થઈ જશે.