કલર કાઢવાની ટિપ્સ / નખ-વાળ અને ફેસ પરથી સેકન્ડ્સમાં નીકળી જશે રંગ, બસ અપનાવો આ ટ્રિક

• હોળીમાં શરીરના પરના રંગને કાઢવા ફક્ત આટલુ કરો
• ચહેરો, શરીર અને વાળ પર કલર કાઢવા માટેની ટિપ્સ
• જો સ્કિનને ઘસશો તો તમારી સ્કિન સુકી પડી જશે

રંગને સરળતાથી કાઢવા શું કરશો?

અમુક લોકોના ચહેરા પરથી રંગ સરળતાથી નિકળી જાય છે. તો અમુક લોકોના ચહેરા પરથી રંગ નિકળતો નથી. જો તેઓ કેમિકલવાળા શેમ્પુ અને અન્ય ચીજ વસ્તુઓથી આ રંગને કાઢવાનો પ્રયાસ કરે છે તો સ્કિન અને હેરને નુકસાન થઇ શકે છે. જો તમારા ચહેરા, વાળ અને નખ પર રંગ નિકળતો નથી અથવા ચિંતા સતાવે છે કે કઈ રીતે આ રંગ નિકળશે તો અમે તમને ચહેરા, વાળમાંથી કલર કઈ રીતે નિકળશે તેની સરળ ટિપ્સ જણાવીએ છીએ.

શરીર પરથી રંગ કેવીરીતે નિકાળશો

ચહેરા અને શરીર પરથી હોળીનો રંગ કાઢવા માટે સ્કિનને તમે ઘસવાનુ શરૂ કરી દો છો, આવુ ક્યારેય ના કરવુ જોઈએ. કારણકે સ્કિનને ઘસવાથી સ્કિન પરનો રંગ ભલે નિકળી જાય. પરંતુ સ્કિનને ખૂબ નુકસાન થઇ શકે છે. ચહેરા અને સ્કિન પરનો કલર કાઢવા માટે બૉડીવૉશ અને સાબુથી ન્હાવો ત્યારે શરીર પર થોડુ તેલ લગાવી દો. આનાથી તમારો કલર નિકળી જશે પરંતુ તમારી સ્કિનને સુકી પડવા દેશે નહીં. જો તમે તેલનો ઉપયોગ કરવા માગતા નથી તો તમે એક જાડી ક્રીમ અને લોશન પણ લગાવી શકો છો. ત્યારબાદ જ્યારે શરીરને ટુવાલથી લુશો ત્યારે તમે જોઈ શકશો કે ટુવાલમાં કલર આવી ગયો છે. 

ચહેરા પરથી રંગ કેવીરીતે હટાવશો

ઉપર આપવામાં આવેલી પદ્ધતિ અપનાવ્યાં સિવાય ચહેરા પરથી રંગ કાઢવા માટે ક્લિંજિંગ ફેશ વોશનો ઉપયોગ કરો અને ત્યારબાદ મોઇસ્ચરાઈઝરનો ઉપયોગ કરો. જો જરૂરી હોય તો તમે બીજા દિવસે ફેસ માસ્કનો ઉપયોગ કરી શકો છો. જો તમે હોળી રમતા પહેલા તમારા શરીર પર તેલનો ઉપયોગ કરી રહ્યાં છો તો ઉંડી ટૈનિંગથી બચવા માટે તેલ પર સનસ્ક્રીન પણ લગાવી શકો છો. જો તમે બેસન, દહી અને લીંબુના મિશ્રણથી ઘરગથ્થુ ઉપચાર રંગ કાઢવા માટે અપનાવી રહ્યાં છો તો સ્કિનને હાઇડ્રેટ રાખવા માટે આ મિશ્રણમાં વિટામિન ઈની એક કેપ્સુલ મિલાવો. 

વાળમાંથી કેવીરીતે રંગ કાઢશો

હોળી રમ્યા બાદ વાળને શેમ્પુથી ધોઈ નાખો. રંગ કાઢવા માટે બે વખત શેમ્પુની જરૂર પડી શકે છે. ભલે તમે થાક અનુભવી રહ્યાં હોય. પરંતુ આળસના કારણે કન્ડીશનર લગાવવાનુ ના છોડી દો. કારણકે તમારા વાળને હોળીના રંગ બાદ વધુ હાઇડ્રેશનની જરૂર હોય છે. કન્ડીશનર બાદ હેર સીરમ લગાવો. આ વાળને તડકાના પ્રભાવ અને રંગોના કારણે વાળ સુકાઈ જવાની સમસ્યાને રિપેર કરશે. ઉતરતા વાળને ઘટાડવા માટે હેર સ્પા કરો અને ઘર પર ડીપ કન્ડીશનિંગ માસ્કનો ઉપયોગ કરો.