માહીતી / કોરોના રસી માટે કેવી રીતે કરાવશો રજિસ્ટ્રેશન, જોજો આ ભૂલ ન કરી બેસતા

• કોરોના રસી માટે રજીસ્ટ્રેશન જરૂરી
• રજીસ્ટ્રેશન કરવા માટે કોઇ ઍપ નથી
• કેટલાક ડૉક્યુમેન્ટ રજીસ્ટ્રેશન માટે જરૂરી

કેટલાક લોકો હજુ પણ આ ભ્રમમાં છે કે કોરોના વેક્સિન માટે ક્યાં રજીસ્ટ્રેશન કરાવવું છે અને કેવી રીતે કરાવવું છે. લોકોના સામે આવી રહેલી આ મુશ્કેલીના કારણે સ્વાસ્થ્ય મંત્રાલયે સ્થિતિ સ્પષ્ટ કરી છે. 

કોઇ ઍપ નથી
સ્વાસ્થ્ય મંત્રાલયે કહ્યું છે કે CoWinનો મતલબ કોઇ ઍપ નથી પરંતુ રસી લેવા ઇચ્છુક લોકોએ cowin.gov.in પોર્ટલ પર રજીસ્ટ્રેશન કરાવવુ પડશે. પ્લે સ્ટોર પર જે એપ છે તે એડમિનિસ્ટ્રેટર્સ માટે છે. 

પોર્ટલ સિવાય પણ છે વિકલ્પ 
કોરોના વેક્સિનેશન માટે કોવિન સિવાય પણ વિકલ્પો છે. જે લોકો પાસે સ્માર્ટ ફોન નથી તે લોકો નજીકના સેન્ટર પર જઇને રજીસ્ટ્રેશન કરાવી શકે છે. સાથે જ તે પોતાના ડૉક્યુમેન્ટ સાથે લઇને જાય. તમે 1507 પર ફોન કરીને પણ જાણકારી લઇ શકો છો. સરકારી સ્વાસ્થ્ય કેન્દ્ર પર કોરોના હેલ્પ ડેસ્ક પણ બનાવવામાં આવ્યું છે. સરકારી વેક્સિનેશન ડ્રાઇવ માટે ગામથી લઇને શહેર સુધી તૈયારીઓ કરી લેવામાં આવી છે. 

પોર્ટલ પર આ રીતે કરાવો રજીસ્ટ્રેશન 
કોરોના વેકિસન લેવા માટે ઓનલાઇન રજીસ્ટ્રેશન કરાવવા માંગો છો તો તેના માટે  www.cowin.gov.in પોર્ટલ પર જઇને રજીસ્ટ્રેશન કરાવી શકો છો. ત્યાં તમારો મોબાઇલ નંબર આપવો પડશે અને ઓટીપી આવે તેના દ્વારા અકાઉન્ટ ક્રિએટ કરવુ પડશે. બાદમાં તેમાં નામ, ઉંમર, જેન્ડર વેગેરે વસ્તુઓ ફીલ કરીને આઇ ડી લગાવવુ પડશે. વેક્સિન ક્યાં લેવી તેનુ સિલેક્શન તમે જાતે જ કરી શકશો. એક મોબાઇલ નંબરથી 4 લોકોનું રજીસ્ટ્રેશન થઇ શકશે. વધુ જાણકારી માટે 1507 પર ફોન કરવો. 

આ ડૉક્યુમેન્ટની પડશે જરૂર 

1. આધાર કાર્ડ 
2. વોટર આઇડી કાર્ડ 
3. ફોટો આઇડી કાર્ડ
4. 45થી 59 વર્ષના નાગરિકોનું કોમરેડિટી પ્રમાણપત્ર 
5. રોજગાર પ્રમાણ પત્ર