ટિપ્સ / રસોઈમાં મીઠું વધારે પડી ગયું છે તો અપનાવી લો આ 5 ટિપ્સ, નહીં બગડે તમારી રસોઈનો સ્વાદ

• રસોઈમાં મીઠું વધારે છે તો કરો આ કામ
• આ 5 ઘરેલૂ ઉપાયો કરશે કમાલ
• બની જશે તમારી રસોઈ ટેસ્ટી 

અનેકવાર સારા રસોઈયાની પણ ભૂલ થાય છે અને રસોઈનો સ્વાદ બગડે છે. જો રસોઈમાં મીઠું ઓછું હોય તો તમે તેને ઉમેરી શકો છો.પણ જો મીઠું વધારે હોય તો ખાવાનું બગડી જાય છે. આજે અમે આપને માટે એવી 5 ટિપ્સ લાવ્યા છીએ જે તમારી બગડેલી રસોઈનો સ્વાદ પણ સુધારી લે છે. 
 

શેકેલો ચણાનો લોટ કરશે તમારી મદદ
જો તમે કરી બનાવી રહ્યા છો અને મીઠું વધારે છે તો એક પેનમાં 2 ચમચી ચણાનો લોટ શેકો અને તેને કરીમાં મિક્સ કરીને હલાવો. પછી તેને ઉકાળી લો. સૂકા શાક માટે પણ તમે આ ઉપાય કરી શકો છો. તેનાથી સ્વાદ તો વધે છે અને સાથે જ વધારે મીઠું પણ મેનેજ થઈ જાય છે.  

લોટની ગોળી બનાવીને નાંખી દો
જો તમારી કરી કે શાક કે દાળમાં મીઠું વધારે થયું છે તો રોજિંદા લોટની એક નાની ગોળી બનાવીને જે તે રસોઈમાં ઉમેરી લો. આમ કરવાથી વધારે મીઠું શોષાઈ જશે. રસોઈમાં બેલેન્સ રહેશે અને સાથે જ જ્યારે રસોઈ ઉપયોગમાં લો ત્યારે તેને બહાર કાઢી લો.
 

લીંબુનો રસ પણ કરે છે કમાલ
જો તમે ભારતીય, ચાઈનીઝ કે મુગલઈ ભોજન બનાવી રહ્યા છો અને તેમાં મીઠું વધારે છે તો તમે તેમાં લીંબુનો રસ મિક્સ કરી લો. કોઈ પણ ભોજનમાં ખાટી ચીજ મિક્સ કરી લેવાથી મીઠું ઓછું થઈ જાય છે. આ સાથે ભોજનનો ટેસ્ટ પણ વધે છે અને તે હેલ્ધી રહે છે.  

બાફેલા બટાકાનો કરો પ્રયોગ
દાળ કે કરીમાં જો મીઠું વધારે હોય તો તેમાં 2-3 ચમચી બાફેલા બટાકા મિક્સ કરો. તેનાથી વધારાનું મીઠું શોષાઈ જશે અને ખાવાનું ફરીથી ટેસ્ટી બની જશે. 
 
બ્રેડનો કરી શકાય છે પ્રયોગ
જો તમારી પાસે સમય નથી અને ભોજનમાં મીઠું વધારે પડી ગયું છે તો તમે બ્રેડની મદદ લઈ શકો છો. સર્વિંગ બાઉલમાં કરીની સાથે એક બ્રેડનો ટુકડો મિક્સ કરો. 1-2 મિનિટ બાદ તેને કાઢી લો. કરી ઓછી લાગે તો ગરમ પાણી મિક્સ કરો. મીઠું ઓછું થઈ જશે.