આંતરરાષ્ટ્રીય સ્તર પર ક્રૂડ ઓઇલના ભાવમાં થઇ રહેલા વધારાના કારણે ફક્ત પેટ્રોલ-ડીઝલના ભાવ ન નથી વધી રહ્યાં પરંતુ રાંધણ ગેસની કિંમતો પણ આસમાને પહોચી ગઇ છે. તેવામાં જે તમે સબ્સિડી ગિવઅપ કરી દીધી હોય અથવા અન્ય કારણોસર સબ્સિડી ન મળી હોયો તો આ રીતે તમે સબ્સિડી મેળવી શકો છો.
ક્રૂડ ઓઇલની સતત વધી રહેલી કિંમતો વચ્ચે ઘણાં લોકો સબ્સિડી પરત મેળવવાનું વિચારી રહ્યાં છે. આ ઉપરાંત ઘણાં લોકો એટલા માટે સબ્સિડી નથી લઇ શકતાં કારણ કે તેમની પાસે જરૂરી દસ્તાવેજ નથી હોતા. કેટલાંક લોકોની આવક 10 લાખ રૂપિયાથી વધુ હતી તેથી તેમને પણ સબ્સિડીનો લાભ નથી મળતો. તેવામાં જો તમે સબ્સિડી મેળવવા માંગતા હોય તો સબ્સિડી મેળવવાની એક ટ્રિક છે.
આ રીતે પરત મેળવો સબ્સિડી:
રાંધણ ગેસ પર મળતી સબ્સિડી પરત મેળવવા માટે તમારે તમારા ડીલર પાસે જવું પડશે. જો તમે સબ્સિડી ગિવ અપ કરી હશે તો તમારી પાસે એક વર્ષ બાદ તેને પરત મેળવવાનો વિકલ્પ છે.
તેના માટે ડીલર પાસે જઇ તમારે આધાર કાર્ડ ઇનકમ ડિકલેરેશન સહિત અન્ય દસ્તાવેજ જમા કરાવા પડશે. દસ્તાવેજ આપ્યાં બાદ બે અઠવાડિયાની અંદર તમને સબ્સિડી મળવાની શરૂ થઇ જશે.
10 લાખથી ઓછી આવક થાય તો:
સબ્સિડી તે લોકોને પણ નથી મળતી જેની વાર્ષિક આવક 10 લાખ રૂપિયા કે તેથી વધારે હોય. પરંતુ જો કોઇ કારણોસર તમારી આવક ઓછી થઇ ગઇ હોય તો પણ તમે સબ્સિડી મેળવી શકો છો.
તેના માટે તમારે ગેસ ડીલર પાસે જઇને ઇનકમ ડિક્લેરેશન આપવાનું રહેશે. આધાર નંબર સાથે બેન્ક ડિટેઇલ્સ સહિત અન્ય જરૂરી દસ્તાવેજ જમા કર્યા બાદ કેટલાંક દિવસોમાં તમને સબ્સિડી મળવાની શરૂ થઇ જશે.