કોરોનાના સંક્રમણને કારણે સમગ્ર દેશમાં લોકડાઉન છે. ત્યારે ગ્રાહકોને ટેલિકોમ સેવાઓને લઈને પરેશાની ન થાય તે માટે કંપનીઓ સતત જરૂરી પગલાં લઈ રહી છે. જેમાં નવા પ્લાન્સ, વધુ ડેટા, વધુ વેલિડિટી જેવી સુવિધાઓ કંપની ગ્રાહકો આપી રહી છે. ત્યારે હવે વોડાફોનએ ગ્રાહકો માટે નવી સર્વિસ શરૂ કરી છે.
લોકડાઉન વચ્ચે વોડાફોનના ગ્રાહકો માટે સારાં સમાચાર
કંપનીએ શરૂ કરી આ નવી સર્વિસ
ગ્રાહકોને રિચાર્જ કરાવવામાં થશે સરળતા
તમને જણાવી દઈએ કે, વોડાફોનની આ નવી સર્વિસ દ્વારા ગ્રાહક એસએમએસ મોકલીને મોબાઈલનું રિચાર્જ કરાવી શરકે છે. સાથે જ કંપનીને મિસ્ડ કોલ કરીને પણ રિચાર્જ કરાવી શકે છે.
આ યુઝર્સ માટે છે સુવિધા
વોડાફોને આ સર્વિસ તેના 2જી પ્રીપેડ યુઝર્સ માટે શરૂ કરી છે. લોકડાઉન અને રિચાર્જ શોપ્સ બંધ થવાને કારણે 2જી સબસ્ક્રાઈબર્સ તેમના મોબાઈલમાં રિચાર્જ નથી કરાવી શકી રહ્યાંય જેના કારણે યુઝર્સની પરેશાની દૂર કરવા વોડાફોને ક્વિક રિચાર્જ સર્વિસ લોન્ચ કરી છે. યુઝર્સ તેના 2જી વોડાફોન નંબરમાં રિચાર્જ કરવા અહીં જણાવેલા સ્ટેપ્સ ફોલો કરી શકે છે.
આ રીતે એસએમએસથી કરો ક્વિક રિચાર્જ
એક્સિસ બેંકથી રિચાર્જ કરવા માટે 9717000002 / 5676782 પર MOBILE 10 આંકડાનો મોબાઈલ નંબર Idea/Vodafoneનું રિચાર્જ અમાઉન્ટ બેંક ખાતાના છેલ્લા 6 આંકડા લખીને એસએમએસ કરો.
ICICI બેંકથી રિચાર્જ કરવા માટે 9222208888 પર MTOPUP IDEA/VODAFONE 10 આંકડાનો મોબાઈલ નંબર Idea/Vodafoneનું રિચાર્જ અમાઉન્ટ બેંક ખાતાના છેલ્લા 6 આંકડા લખીને એસએમએસ કરો.
IndusInd બેંકથી રિચાર્જ કરવા માટે 9212299955 પર IDEA/VODAFONE 10 આંકડાનો મોબાઈલ નંબર Idea/Vodafoneનું રિચાર્જ અમાઉન્ટ ડેબિટ કાર્ડના છેલ્લા 4 આંકડા લખીને એસએમએસ કરો.
SBI બેંકથી રિચાર્ડ કરવા માટે 9223440000 નંબર પર એસએમએસ મોકલવાનો રહેશે. તેનું ફોર્મેટ Stopup Userid MPIN VODAFONE/IDEA 10 આંકડાનો મોબાઈલ નંબર રિચાર્જ અમાઉન્ટ મોકલવાનો રહેશે.
રિચાર્જને કન્ફર્મ કરવા માટે 7308080808 પર મિસ્ડ કોલ કરો.
વોડાફોનની આ સર્વિસ 2જી અને ફીચર ફોનના યુઝર્સ માટે ઉપલબ્ધ છે. કંપની આ સર્વિસને હરિયાણા સહિત અસમ, નોર્થ ઈસ્ટ અને બિહાર-ઝારખંડમાં ઓફર કરી રહી છે. તમને જણાવી દઈએ કે, હાલમાં જ ટ્રાઈએ વોડાફોનને ઈમેલ મોકલીને લોકડાઉન પીરિયડમાં 2જી યુઝર્સને રિચાર્જ સંબંધી સરળ વિકલ્પો ન આપવા અંગે કેટલાક પ્રશ્નો પૂછ્યા હતા. 2જી યુઝર્સ માટે શરૂ થયેલી આ સર્વિસ ટ્રાઈના પ્રયાસોની અસર છે.