કોરોનાને કારણે મોટાભાગના લોકો અત્યારે ઘરેથી જ કામ કરી રહ્યાં છે. જ્યારે લોકડાઉનને કારણે ઘરમાં કેદ અન્ય લોકો સતત લેપટોપ, ફોન, ટીવીમાં લાગેલાં રહે છે. આમ કલાકો સુધી સ્ક્રીન પર જોવાથી આંખોથી જોડાયેલી સમસ્યાઓ વધી જાય છે. જેથી આ પરેશાનીથી બચવા માટે શું કરવું ચાલો જાણી લો.
આંખોને સખત નુકસાન પહોંચાડે છે સતત સ્ક્રીન પર જોવું
આંખોમાં તકલીફ થાય તો બેદરકારી કરવી નહીં
વર્ક ફ્રોમ હોમ કરતા લોકો આ વાતનું રાખો ધ્યાન
કલાકો સુધી લેપટોપ, ફોન અને સતત ટીવી જોવાથી આંખોમાં સ્ટ્રેન વધે છે અને ડ્રાય આઈની સમસ્યા પણ થાય છે. એક્સપર્ટ્સ અનુસાર ઈલેક્ટ્રોનિક ગેજેટ્સમાંથી નીકળતી બ્લૂ લાઈટ આંખોને સખત નુકસાન પહોંચાડે છે. આંખોમાં ડ્રાઈનેસ, રેડનેસ, ખુજલી, આંખોમાંથી પાણી નીકળવું જેવી સમસ્યાઓ સતત સ્ક્રીન જોવાથી થાય છે.
સતત ઈલેક્ટ્રોનિક ગેજેટ્સનો ઉપયોગ કરવા સિવાય તણાવ અથવા ચિંતાને કારણે, આંખોમાં કચરો જતો રહેવાથી, હાઈ બીપીની તકલીફને કારણે અને કલાકો સુધી એસીમાં બેસી રહેવાથી પણ આંખોની સમસ્યા થઈ શકે છે.
આ રીતે આંખોની તકલીફોથી બચો
સતત સ્ક્રીન પર જોવું નહીં. દર 20 મિનિટે બ્રેક લો.
દૂર રાખો વસ્તુઓને વચ્ચે-વચ્ચે જોતા રહો.
થોડીવાર આંખો બંધ કરી શાંતિથી બેસો
આંખોમાં પાણીની છાલક મારો.
આંખોમાં ડ્રાયનેસ વધુ હોય તો કોઈ સારાં ડ્રોપ આંખોમાં નાખો.
આંખોને વારંવાર અડવી નહીં.
ચશ્મા હોય તો પહેરતાં પહેલાં તેને સરખી રીતે સાફ કરી લો.