ભારતમાં સેક્સ એ ગંભીર વિષય છે કે, જેના પર બાળકો સાથે વાત કરવાથી વડીલો દૂર ભાગે છે. વાસ્તવમાં આ વિષય પર વાત કરવી એ ખૂબ જરૂરી છે. નિષ્ણાંતોએ બાળકો સાથે સેક્સ પર વાત કઈ ઉંમરમાં કરવી તે જણાવતા કહ્યું છે.
4, 8, 10, 15ની ઉંમરે સેક્સ વિશે આ માહિતી આપવી જરૂરી
15 વર્ષની ઉંમરમાં બાળક હોંશિયાર થઇ જાય છે
ફાયદાઃ બાળક શારીરિક, માનસિક અને ભાવનાત્મક રીતે તૈયાર થાય છે
મોટા ભાગે બાળકોને એક ઉંમર સુધી ખબર હોય છે કે, કોઈ પરી આવે છે અને બાળકોને તેના માતા પિતા પાસે છોડી જાય છે. ક્યારેક બાળકો પોતાના માતા પિતાને Crush તથા Sex નો મતલબ પૂછતા હોય છે અને માતા પિતાને તે સમયે બાળકોને શું જવાબ આપવો તે સમજાતું નથી.
4 વર્ષની ઉંમર હોય ત્યારે
જ્યારે બાળક ચાર વર્ષનું હોય ત્યારે તેમના પ્રાઇવેટ પાર્ટ્સ વિશે સમજાવવું જોઈએ.
બાળકો કઈ રીતે જન્મે છે તે જણાવવું જોઈએ, જેમકે માતાએ બાળકને કહેવું જોઈએ કે, બાળકનો જન્મ થયો તે પહેલા પેટની અંદર આવેલા યુટ્રસમાં રહેતું હતું.
8 વર્ષની ઉંમર હોય ત્યારે
આ ઉંમરમાં બાળકો થોડા સમજવા લાગતા હોય છે. માતા પિતા તેમને જણાવી શકે છે કે, તેમણે જ બાળકને જન્મ આપ્યો છે. પરંતુ બાળક ફરી પૂછે તો તેને સમજાવવું કે, તેના પિતાના શરીરમાં એક Cell હોય છે, જેને સ્પર્મ કહેવાય છે અને માતાના શરીરમાં જે નાના Cell હોય તેને એગ્સ કેહવાય છે. જયારે તમે જન્મ લેવાના હતા ત્યારે યુટ્રસથી બહાર આવ્યા હતા. બાળકને આ ઉંમરમાં આટલું જણાવવું હિતાવહ છે.
10 વર્ષની ઉંમર હોય ત્યારે
આ ઉંમરમાં તમે બાળક સાથે સેક્સ વિષય પર વધુ વાત કરી શકો છો ન્યુઝમાં રેપ વિષે જે છપાતું હોય છે તે બાબતે માહિતી આપી શકો છો. બાળકોને આજુબાજુમાં ચાલી રહેલી વાતો જાણવામાં ઘણી ઉત્સુકતા હોય છે, આવામાં બાળકોને સાચી વાતો વિશે જાણકારી આપવી જોઈએ.
15 વર્ષની ઉંમર હોય ત્યારે
આ ઉંમરમાં બાળક હોંશિયાર થઇ જાય છે, અને સેક્સ બાબતે તેમનો પોતાનો એક વિચાર બની જતો હોય છે. આ દરમિયાન વાતચીતમાં તેના વિચારો સમજવા અને તેને સાચી દિશા આપવા માટે પ્રયત્નો કરવા જોઈએ. સેક્સ કેવી રીતે અને કઈ ઉંમરમાં કરવું યોગ્ય છે તે જણાવવું જોઈએ. બાળકોને પોક્સો એક્ટ વિશે પણ જણાવવું જોઈએ.
માતા-પિતાએ ધ્યાનમાં રાખવા જેવી બાબતો
તમે એવા વિચારો ના રાખો કે સેક્સ વિશે વાત કરતા બાળકો સેક્સ કરવા પ્રેરાતા હોય છે. રિસર્ચમાં આંકડા જોવા મળ્યા છે કે, જે બાળક સાથે માતા પિતા સેક્સ વિશે વાત કરે છે, તે બાળક શારીરિક, માનસિક અને ભાવનાત્મક રીતે તૈયાર થવા માટે રાહ જોવે છે અને પહેલીવાર સેક્સ કરતી વખતે ગર્ભનિરોધક વસ્તુઓનો ઉપયોગ કરે છે. તેઓ સાથીદારની સહમત છે કે નહી તે જાણી જતા, સમજે છે કે તેની ના પણ હોઈ શકે છે.