આજકાલ સ્માર્ટફોન આપણા જીવનનો અભિન્ન અંગ બની ગયો છે. તેના વિના આપણે જીવનની કલ્પના પણ ન કરી શકીએ. આપણાં મોટાભાગના કામ પણ મોબાઈલ દ્વારા જ થતા હોય છે પરંતુ મુશ્કેલી ત્યારે વધી જાય છે જ્યારે કોઈ જરૂરી કામ કરતાં હોઈએ અને આપણો ફોન હેંગ થવા લાગે છે. પણ સ્માર્ટફોનને કેટલીક ટિપ્સની મદદથી હેંગ થતાં બચાવી શકાય છે. ચાલો જાણીએ.
વારંવાર ફોન હેંગ થતો હોય તો કરો આ કામ
સ્માર્ટફોનમાં આ સેટિંગ કરવાથી નહીં થાય ફોન હેંગ
ફોનમાં ઓછાંમાં ઓછી એપ્સ રાખો
તમારો ફોન હેંગ ન થાય તે માટે સૌથી જરૂરી છે કે ફોનમાં વધારાની એપ્સ કાઢી નાખો. તમને જે એપ્સની જરૂર છે એ જ એપ્સ ફોનમાં રાખો. ફોનમાં વધારે એપ્સ હોવાથી ફોન હેંગ થવા લાગે છે અથવા તો તેનું ફંક્શનિંગ સ્લો થઈ જાય છે.
આ રીતથી ફોનને હેંગ થતાં બચાવો
તેના માટે તમારે ગૂગલ પ્લે સ્ટોર્સ પર જવુ પડશે. પછી અહીં ત્રણ ડોટ્સ પર ક્લિક કરો. હવે તેમાં સેટિંગમાં જાઓ અને ઓટો અપડેટ ઓપ્શન પર ક્લિક કરો. ત્યારબાદ તમને ત્રણ ઓપ્શન દેખાશે. તેમાંથી Do not auto update app પર ક્લિક કરો. આવું કરવા પર ફોનમાં રહેલી એપ્સ ઓટો અપડેટ નહીં થાય, તમે જ્યારે અપડેટ કરશો ત્યારે જ થશે અને ફોમ હેંગ નહીં થાય.
બીજી રીત
તેના માટે તમારા ફોનની સેટિંગમાં જાઓ. પછી ત્યાં About ફોન પર ક્લિક કરો. હવે તમને બિલ્ડ નંબર દેખાશે. તેની પર 6-7 વખત ક્લિક કર્યા બાદ ડેવલપર ઓપ્શનમાં જાઓ અને તેને ઓન કરી દો. આ ઓપ્શન ઓન થતાં તમારી સાથે ઘણાં ઓપ્શમ ખુલશે. જેમાંથી Window Animation Zoom, Transition Animation Scale Animator Duration Scale આ ત્રણેયને બંધ કરી દો. હવે તમારો ફોન વારંવાર હેંગ નહીં થાય.