તમારા કામનું / ડ્રાઇવિંગ લાયસન્સ ભૂલી ગયા તો ટેન્શન લેતા નહીં, આ ટ્રીકથી દંડ ભરવો નહીં પડે

• વાહનના ડોક્યુમેન્ટ્સ અને ડ્રાઇવિંગ લાયસન્સ માટે એપ્લિકેશન 
• ફોનમાં સેવ રાખવાની પણ માન્યતા 
• સરળ અને સામાન્ય પ્રક્રિયા 

વાહનના ડોક્યુમેન્ટ્સ અને ડ્રાઇવિંગ લાયસન્સ માટે એપ્લિકેશન 
ઘણી વખત એવું બનતું હોય છે કે તમે ઘરેથી બહાર કામ જવા માટે નીકળ્યા હોવ અને તમારા જરૂરી  ડોક્યુમેન્ટ્સ, પર્સ કે વૉલેટ આપણે ઘરે જ ભૂલી જઈએ છીએ. આ ભૂલના કારણે ઘણું નુક્શાન પણ થતું હોય છે. જેમ કે વૉલેટ ભૂલી જવાથી તેમાં રહેલ ડ્રાઇવિંગ લાયસન્સ પણ ઘરે ભૂલી જવાય છે અને પરિણામે તમારે દંડ પણ ચૂકવવો પડે છે. 

ફોનમાં સેવ રાખવાની પણ માન્યતા 
પણ હવે તમારી આ ચિંતાનું પણ સમાધાન થઈ ગયું છે. જો ડ્રાઇવિંગ કરતાં સમયે તમારું લાયસન્સ તમારી પાસે નથી કે પછી તમે તે ભૂલી ગયા છો તો માત્ર તમારા ફોનમાં આ કામ કરવાથી તમે દંડથી બચી શકો છો. તે માટે ફોનમાં digilocker કે પછી mparivahan એપ ડાઉનલોડ કરી તેમાં ડ્રાઇવિંગ કે પછી તમારા વાહનના જરૂરી ડોક્યુમેન્ટ્સ તમે આ એપમાં રાખી શકો છો. ટ્રાફિક રેગ્યુલેશનના નવા નિયમ મુજબ digilocker માં રહેલ ડોક્યુમેન્ટ્સમાં રહેલ ડોક્યુમેન્ટ્સ માન્ય ગણાશે. 

આ રીતે કરો પ્રક્રિયા 

• સૌથી પહેલા digilocker.gov.in કે digitallocker.gov.in પર જાઓ. ત્યાર બાદ sign up પર ક્લિક કરો. એટલે સ્ક્રીન પર એક નવું પેજ ખુલશે. ત્યાં તમારો ફોન નંબર ભરો. 
• ફોન નંબર ભર્યા બાદ તમારા એ ફોન નંબર પર એક otp આવશે. તે પણ તેમાં ભર્યા બાદ હવે તમારું યુઝર નામ અને પાસવર્ડ સેવ કરી લો. હવે તમે digilocker નો ઉપયોગ કરી શકો છો. ક્ષ 
• હવે તમારા ગૂગલ કે એપલ પ્લે સ્ટોર પરથી digilocker એપ્લિકેશન ડાઉનલોડ કરી લો. 
• હવે આ એપ્લિકેશનમાં તમારું યુઝરનેમ અને પાસવર્ડ નાખો. પછી અપલોડ ડોક્યુમેન્ટ્સ પર ક્લિક કરો. ત્યાં વિકલ્પમાં દેખાતા ડોક્યુમેન્ટ્સ પર ક્લિક કરી અપલોડ બટન પર ક્લિક કરી ડોક્યુમેન્ટ્સ અપલોડ કરો.