તમે તમારા નાના બાળકોને પ્રેમ અને લાડ કરો તે અલગ વાત છે પણ સાથે ધ્યાન રાખો કે તમે પેરન્ટ્સ તરીકે તેમની આદતોથી તેમને નબળાં તો નથી બનાવી રહ્યા ને? શક્ય છે કે વારંવાર તેમની જીદ માની લેવાના કારણે તમે તેમને માનસિક અને શારીરિક રીતે નબળાં બનાવી લો છો.
ન માનો બાળકોની આ જીદ
બાળકોની દરેક વાતને ન માનો
પેરન્ટ્સની આ આદત બાળકોને બનાવે છે નબળાં
બાળકોની આ જીદ સામે ઝૂકો નહીં
ખાવાનાને લઈને બાળકોના અનેક પ્રકારના નખરાં હોય છે. ખાસ કરીને મોટા ભાગના બાળકો શાક, દાળ ખાવાનું પસંદ કરતા નથી. અહીં ભૂલ તેમની નથી પણ ફાસ્ટ ફૂડ જનરેશને તેમની આદત બગાડી છે. હવે તમે વિચારીને ખુશ થશો કે ચલો બાળકે ખાઈ લીધું છે. તે ભૂખ્યો નથી.
હેલ્થ સાથે કોમ્પ્રોમાઈઝ
બાળકોને ફાસ્ટ ફૂડ અને પેક્ડ ફૂડ આપીને આપણે તેને નબળાં બનાવીએ છીએ. બાળકનો વિકાસ બાળપણમાં જ થાય છે. જો બાળકને આ સમયે પૂરતું પોષણ મળતું નથી તો તે ભવિષ્યમાં પણ નબળાઈભર્યું રહેશે.
નાસ્તામાં બાળકને આપો આ વસ્તુઓ
બાળકોને નાસ્તામાં બ્રેડ જામ, રોટલી જામ વગેરે પસંદ હોય છે. આ સિવાય ક્રીમ બિસ્કીટની સાથે દૂધ. આ ચીજોને બદલે તેમને ફાડા, પૌંઆ, ઓટ્સ, ચિલ્લા, મિલેટ્સ આપવાનું શરૂ કરો. તેનાથી તેમને પોષણ મળશે.
આ વસ્તુઓ આ રીતે છે નુકસાનકારક
જામ બનાવવામાં ફ્રૂટ્સનો ઉપયોગ કરવામાં આવે છે. ફ્રૂટ્સને જામમાં કન્વર્ટ કરી લેવામાં આવે છે. બ્રેડ મેંદાની બનેલી હોય છે અને બિસ્કિટમાં મેંદો, બિન જરૂરી ખાંડથી ભરેલી ક્રીમ હોય છે જે ન્યૂટ્રીશનનો અભાવ સર્જે છે. જામ બનાવવામાં તેમાના પોષક તત્વો નષ્ટ થઈ જાય છે.
આ રીતે બાળકોમાં વધે છે સ્થૂળતા
જામમાં શુગરનું પ્રમાણ વધારે હોય છે. જેના કારણે તેમનામાં સ્થૂળતાનું પ્રમાણ વધવા લાગે છે. તો તેમની હેલ્થ કઈ રીતે સારી રહેશે. બાળકોને જામ આપો તો તેનું પ્રમાણ નક્કી કરીને આપો જેથી તે નુકસાન નહીં કરે.