મેકઅપ ટિપ્સ / બજારમાં 500થી 1000 રૂપિયામાં મળતું પ્રાઈમર ઘરે જ બનાવીને ચહેરા પર લગાવો, પછી જુઓ અસર

• મેકઅપ લગાવતા પહેલાં પ્રાઈમર લગાવવું છે જરૂરી
• દરેક મહિલાએ લગાવવું જોઈએ પ્રાઈમર
• ઘરે જ સસ્તામાં બનાવતા શીખો નેચરલ પ્રાઈમર

પ્રાઈમર બનાવવાની સામગ્રી

2 ચમચી એલોવેરા જેલ
2 ચમચી સનસ્ક્રીન લોશન (કોઈપણ કંપનીનું)
1 ચમચી ફાઉન્ડેશન પાઉડર અથવા લોશન

ઉપર જણાવેલી તમામ સામગ્રીને એક એર ટાઈટ કંટેનરમાં લઈને કોઈ સ્ટીકની મદદથી બરાબર મિક્સ કરી દો. સ્મૂધ પેસ્ટ જેવું બનવું જોઈએ. બસ તૈયાર છે તમારું નેચરલ સસ્તું પ્રાઈમર. 

આ રીતે પણ બનાવી શકો છો પ્રાઈમર

1 ચમચી ગ્લિસરીન
અડધી ચમચી મોઈશ્ચરાઈઝર (કોઈપણ કંપનીનું)
2 ચમચી ગુલાબજળ
1 સ્પ્રે બોટલ

સૌથી પહેલાં ઉપર જણાવેલી સામગ્રીને એક બાઉલમાં લઈને બરાબર મિક્સ કરી લો અને પછી એક સ્પ્રે બોટલમાં ભરી દો. તમે આને ફ્રિઝમાં 1 સપ્તાહ સુધી સ્ટોર કરી શકો છો. 

આ રીતે કરો પ્રાઈમરનો ઉપયોગ

• સૌથી પહેલાં ચહેરાને ફેસવોશથી સરખી રીતે ક્લિન કરી દો. 
• પછી ચહેરા પર સહેજ મોઈશ્ચરાઈઝર અને પછી થોડી સનસ્ક્રીન લગાવો.
• પછી સહેજ પ્રાઈમર લઈને તમારા આખા ફેસ પર લગાવી દો. 
• ત્યારબાદ તમે તમારું રૂટીન મેકઅપ ફેસ પર લગાવી શકો છો.