ચીનથી શરૂ થયેલાં કોરોના વાયરસનો પ્રકોપ હજી પણ યથાવત્ છે. દેશમાં કોરોનાનો કહેર સતત વધતો જઈ રહ્યો છે. એવામાં તેનાથી બચવા માટે માસ્ક અને હેન્ડ સેનિટાઈઝર ખૂબ જ જરૂરી છે. જોકે, સેનિટાઈઝરની માંગને કારણે તેની અછત પણ સર્જાઈ રહી છે. આ સંક્રમણથી બચવા માટે સતત હાથ સેનિટાઈઝ કરતા રહેવાની સલાહ આપવામાં આવી રહી છે. એવામાં જો તમારે સસ્તામાં હાર્મફુલ કેમિકલ વિનાનું સેનિટાઈઝર જોઈએ તો અમે તમને ઘરે જ તે બનાવતા શીખવાડીશું. ચાલો જાણી લો રીત.
સૌથી પહેલાં એક વાટકી લઈને તેમાં અડધી વાટકી રબિંહ આલ્કોહોલ નાખો. પછી તેમાં 2 ચમચી એલોવેરા જેલ મિક્સ કરો. જો તમે ઘટ્ટ સેનિટાઈઝર જોઈએ તો એલોવેરા વધુ પણ નાખી શકો છો. પછી તેમાં 8 ટીપાં ટી ટી ઓઈલ અથવા તો કોઈપણ એસેન્શિયલ ઓઈલ મિક્સ કરો. હવે આ મિશ્રણ કોઈપણ સ્કવીઝ બોટલમાં ભરીને બંધ કરી દો. બોટલને બરાબર હલાવી લો. તૈયાર છે તમારું હોમમેડ સસ્તું અને સેફ હેન્ડ સેનિટાઈઝર.
હાથ માટે સેફ છે
આ હોમમેડ સેનિટાઈઝર તમારા હાથ માટે એકદમ સેફ છે. તમે ઘરની બહાર જાઓ ત્યારે આને સાથે લઈને જ જવું. રબિંગ આલ્કોહોલમાં નેચરલ એન્ટીબેક્ટેરિયલ અને એન્ટીસેપ્ટિક ગુણ હોય છે. જેમાં એસ્ટ્રિજેન્ટ પણ હોય છે. સાથે જ આમાં ઉપયોગમાં લેવામાં આવેલાં એલોવેરા જેલ હાથમાં મોઈશ્ચર જાળવી રાખે છે. જેનાથી સ્કિન ડ્રાય થતી નથી. એસેન્શિયલ ઓઈલ વાયરસ અને ફંગસથી લડે છે.