રેસિપિ / એકના એક કોબીજના શાકથી કંટાળ્યા છો તો ટ્રાય કરો આ ટ્વિસ્ટ, મિનિટોમાં થશે તૈયાર

બજારમાં મળતી કોબીનું એકનું એક શાક કે સંભારો ખાઈનં કંટાળ્યા હોવ, તો આજે અમે તમારી માટે સરસ મજાની ચટાકેદાર વાનગી લાવ્યા છીએ. હા આ છે કોબીજના પરોઠા, જેને તમે દહીં સાથે કે અથાણા સાથે પણ ખાઈ શકો છો. 

કોબીજ પરોઠા

સામગ્રી

-500 ગ્રામ કોબીજ 
-2 નંગ લીલાં મરચાં સમારેલાં 
-1 ચમચી જીરું વાટેલું 
-250 ગ્રામ ઘઉંનો લોટ 
-3 ચમચા દહીં ખાટું 
-2 ચમચી કોથમીર સમારેલી
-1 વાટકી ચોખાનો લોટ
-ઘી જરૂર મુજબ
-મીઠું સ્વાદાનુસાર

રીત

સૌપ્રથમ કોબીજને ઝીણી સમારી અથવા ખમણીને મીઠું ચોળી ૧૦ મિનિટ રાખી મૂકવી. લોટ ચાળી તેમાં ઘીનું મોણ, જીરું, લીલાં મરચાં, કોથમીર, દહીં અને મીઠું નાખી કોબીજને નીચોવી પાણી કાઢી લોટમાં નાખવી. પછી સાદા પરોઠા જેવા બહુ કઠણ નહીં તેવો લોટ બાંધી લેવો. ચોખાના લોટનું અટામણ લઈ પડવાળા પરોઠા વણી સાદા પરોઠાની જેમ શેકીને સર્વ કરો. આ પરોઠા તમે બ્રેકફાસ્ટમાં ટ્રાય કરી શકો છો. તેનાથી તમને સારો એવો સ્ટેમિના મળશે અને તે એક હેલ્ધી બ્રેકફાસ્ટ બનશે. તેને તમે દહીં સાથે પણ સર્વ કરી શકો છો. તો કરી લો આ નવો ટ્વિસ્ટ ટ્રાય.