હેલ્ધી રેસિપી / શિયાળામાં બનાવી લો આમળાનો આ ટેસ્ટી શરબત, 3 મહિના સુધી કરી શકશો સ્ટોર

સામગ્રી

આમળા- 250 ગ્રામ (7 નંગ)

ખાંડ- 1.5 કપ (300 ગ્રામ)

કાળા મરીનો પાઉડર- અડધી ચમચી

મીઠું- 1 નાની ચમચી

સિંધવ મીઠું- 1 નાની ચમચી

શેકેલું જીરું પાઉડર- 1 ચમચી

લીંબુનો રસ- 2 ચમચી

રીત

સૌથી પહેલાં આમળાને સરખી રીતે ધોઈને તેના ફાળા કાપી લેવા. પછી તેને મિક્સરમાં નાખીને પાણી નાખ્યા વિના જ પીસી લેવું. આમળામાં પાણીનો ભાગ હોય છે. જેથી પાણી નાખવાની જરૂર પડતી નથી. પછી આ પેસ્ટને એક સૂતરાઉ કપડામાં કાઢીને તેનો રસ નિચોવીને કાઢી લેવો. પછી એક સ્ટીલની કડાઈમાં તેમાં ખાંડ ઉમેરો. પછી તેમાં કાઢેલો રસ પણ ઉમેરો. પછી ગેસ ચાલુ કરી દો. આંચ ધીમી રાખવી. હલાવતા રહેવું અને ખાંડ ઓગળી જાય પછી તેમાં કાળા મરીનો પાઉડર, મીઠું, સિંધવ મીઠું, જીરું નાખીને બરાબર મિક્સ કરી લેવું. પછી શરબત 2 મિનિટ ઉકાળી લેવું અને ગેસ બંધ કરી ઠંડુ થવા દેવું. પછી તેમાં લીંબુનો રસ નાખીને મિક્સ કરી લેવું. તમે ઈચ્છો તો શરબત ગાળી શકો છો અથવા તો એમ જ તેનો ઉપયોગ કરી શકો છો. હવે આ શરબતને એક કાંચની બોટલમાં ભરી લેવો અને ફ્રીઝમાં મૂકી દેવો. હવે શરબત બનાવવા માટે ગ્લાસમાં 2 ચમચી શરબત લઈ તેમાં પાણી મિક્સ કરી દો. તૈયાર છે શરબત. તમે તેમાં બરફ પણ નાખી શકો છો. 3 મહિના સુધી આ શરબતને સ્ટોર કરી શકો છો.