રેસિપી / જ્યારે મન થાય ત્યારે ફટાફટ બનાવી લો સોજીના સોફ્ટ, હેલ્ધી અને ટેસ્ટી ઢોકળા, ખાવાની મજા પડી જશે

સામગ્રી

2 કપ રવો (સોજી) 
2 કપ દહીં 
1 ચમચી આદુ મરચાંની પેસ્ટ
થોડી કોથમીર 
સ્વાદઅનુસાર મીઠું 
1/2 ચમચી જીરું 
1/2 ચમચી રઈ 
1 નાની ચમચી ખાવાનો સોડા 
તેલ જરૂર મુજબ
1 ચમચી ખાંડ
મીઠો લીમડો

રીત 

સૌથી પહેલાં આદુ મરચાં અને જીરૂં વાટી તેની પેસ્ટ બનાવી લો. હવે એક બાઉલમાં સોજી લો તેમાં દહીં મિક્સ કરો.  જો ખીરું ઘટ લાગે તો તેમાં 1/2 કપ ગરમ પાણી ઉમેરો. તેમાં આદુ મરચાંની પેસ્ટ મિક્સ કરો. તેમાં ખાંડ ઉમેરો. પછી ખાવાનો સોડા નાખીને તેની પર એક ચમચી ગરમ તેલ નાખો. ખીરાને બરાબર હલાવીને મિક્સ કરી લો. હવે આ ખીરૂ તૈયાર છે. તમે તેને પીળો રંગ આપવા માટે હળદર પણ નાખી શકો છો. તેને એક થાળીમાં કાઢી તેને ઢોકળાના કુકરમાં સીજવા મુકો. 10 જ મિનિટમાં તમારા સોજીના ઢોકળા તૈયાર થઈ જશે. પછી છેલ્લે 2 ચમચી તેલમાં રઈ, તલ, લીમડો, લીલાં મરચાંના ટુકડા નાખીને ઢોકળા પર વઘાર કરો. તેને સોસ અથવા ગ્રીન ચટણી સાથે સર્વ કરો.