કોરોનાકાળમાં બ્યુટી પાર્લર બંધ છે અને લોકો કોરોનાના કારણે બહાર જતા પણ ડરી રહ્યાં છે, ત્યારે ખુબસુરતી માટે ઘરે જ રોઝવોટર બનાવતા શીખી લો.
ગુલાબજળ કેવી રીતે ઘરે બનાવશો
ગુલાબજળના છે અઢળક ફાયદા
ઘરે બનાવીને કરો રોઝવોટરનો ઉપયોગ
સ્કીન માટે રોઝવોટર કેટલુ મહત્વનું છે કે આપણે સૌ જાણીએ છીએ. ગુલાબ તમારી ખુબસુરતીમાં ચાર ચાંદ લગાવી દે છે. તમારી ત્વચા પર ડર્ટ લાગ્યો હોય તો પણ રોઝવોટરથી ચહેરો સાફ કરવાથી ડર્ટ સાફ થઇ જાય છે. ગુલાબજળ તેલને દુર કરવાનું કામ કરે છે.
આ રીતે બનાવો ગુલાબજળ
સૌથી પહેલા 10-15 ગુલાબના ફૂલ લો અને તેને સાફ પાણીથી ધોઇ લો. આ ફૂલોને કોઇ કોટનના કપડા પર રાખીને સુકવી લો. તમે ગુલાબના કોઇ પણ રંગના ફૂલ લઇ શકો છો. કારણકે તેમાં સારી ખુશ્બુ હોય છે. બાદમાં તે પાંદડીઓને અલગ કરી લો. એક વાસણમાં તમે ગ્લાસ પાણા નાંખીને તેને સામાન્ય ગરમ કરો. આ પણીમાં અડધુ થઇ જાય તે બાદ ગેસ બંધ કરી લો. ગુલાબ જળ તૈયાર થઇ જશે.
એક મોટી ચમચી ચંદન પાઉડરમાં ગુલાબજળ મિક્ષ કરીને લેપ બનાવી દો. આ લેપને 15-20 મિનિટ સુધી ચહેરા પર લગાવી રાખો. પછી હળવા હાથે ઘસીને ધોઈ લો અને ચહેરો ધોઈને સાફ કરી દો.
એક મોટી ચમચી જવના લોટમાં એક મોટી ચમચી સફરજનની પેસ્ટ મિક્ષ કરીને બનેલી પેસ્ટને ત્વચા પર લગાવો. 15-20 મિનિટ પછી ધોઈ લો.
સંતરાના છોતરાનો પાઉડર બે મોટી ચમચી લઈને તેમાં થોડું કાચું દૂધ અને ગુલાબજળ મિક્ષ કરીને જાડો લેપ તૈયાર કરો. આ ઉબટનને ચહેરા પર લગાવો ત્વચા કાંતિપૂર્ણ બની જશે.
એક મોટી ચમચી દહીં, એક નાની ચમચી કાકડીનો રસ બંનેને મિક્ષ કરીને 10- 15 મિનિટ ચહેરા પર લગાવેલો રાખો. પછી ઠંડા પાણીથી ચહેરો ધોઈ નાંખો.
એક મોટી ચમચી ચંદન પાઉડર, એક નાની ચમચી લીમડા (કડવો)ના પાન, એક મોટી ચમચી ગુલાબની પાંખડીઓ, ચપટીભર હળદરના પાઉડરને મિક્ષ કરીને પેસ્ટ બનાવો અને ચહેરા પર 8-10 મિનિટ સુધી લગાવીને રાખો. સૂકાઈ જાય પછી થપથપાવીને કાઢી નાંખો.
એક મોટી ચમચી જવનો લોટ, એક મોટી ચમચી ચણાનો લોટ, ચપટી હળદર, 2-4 ટીપાં લીંબુનો રસ, એક મોટી ચમચી ગુલાબજળ વગેરેને મિક્ષ કરીને લેપ બનાવો. આ લેપને શરીર કે ચહેરા પર લગાવો. સૂકાઈ જાય પછી ફેસવોશ કરી લો.