Winter Recipe / ઘરે જ ફટાફટ બનાવો આમળાનું આ ટેસ્ટી અથાણું, ચટકારા સાથે મળશે આમળાના અઢળક ફાયદાઓ

સામગ્રી

આમળા- લગભગ 500 ગ્રામ (18 નંગ)
મેથી દાણા- 2 ચમચી
તેલ (તમે જે ખાતા હોવ તે)- અડધો કપ
વરિયાળી- 1 ચમચી
કલોંજી- 1 ચમચી
રઈના કુરિયા- 2 ચમચી
હીંગ- અડધી ચમચી
મીઠું- દોઢ ચમચી
લાલ મરચું- દોઢ ચમચી
હળદર- 1 ચમચી
ધાણાજીરું- 1 ચમચી

રીત 

સૌથી પહેલાં આમળા લઈને તેને ધોઈને લૂછી લેવા. પછી કૂકરમાં 1 નાનો ગ્લાસ પાણી નાખી 3 સીટીમાં આમળા બાફી લેવા. પછી સીટી ખુલે એટલે આમળા ડિશમાં કાઢી તેની કળીઓ અલગ કરી દેવી અને બીજ કાઢી દેવા. બીજી બાજુ એક વાટકીમાં મેથી દાણા લઈ તેમાં 1 કપ આમળા બાફ્યા તે પાણી નાખી 10 મિનિટ પલાળી દેવી. પછી તેનું પાણી ગાળી દેવું. હવે એક કડાઈ લઈ તેમાં તેલ નાખવું અને પછી તેમાં વરિયાળી, કલોંજી, રઈના કુરિયા નાખી ધીમી આંચ પર પકાવવું. પછી તેમાં હીંગ એડ કરવી. પછી તેમાં આમળા નાખી સરખી રીતે હળવા હાથે હલાવવું. પછી તેમાં મેથી દાણા નાખી હલાવવું. તેમાં મીઠું, મરચું, હળદર, ધાણાજીરું નાખી મિક્સ કરી લેવું. ધીમી આંચ પર 5 મિનિટ રાખી ગેસ બંધ કરી દો. આ ઈન્સ્ટન્ટ તૈયાર થઈ જશે. પછી તેને કાંચની બરણીમાં ભરી લો. તમે 1 મહિના સુધી તેને સ્ટોર કરી શકો છો.