વિન્ટર ટિપ્સ / ઘરની આ સામાન્ય વસ્તુઓથી બનાવો લિપ બામ, હોઠ રહેશે એકદમ સોફ્ટ અને ગુલાબી

• મોંઘા લિપ બામ નહીં ખરીદવા પડે
• બનાવો આ નેચરલ હોમમેડ લિપ બામ
• કાળા અને રફ લિપ્સ બનશે સોફ્ટ અને પિંક

ગાજરનું લિપ બામ

આ લિપ બામ બનાવવા માટે સૌથી એક પેનમાં 4 ચમચી ઓલિવ ઓઈલ અને 4 ચમચી બદામનું તેલ લઈ સહેજ ગરમ થાય એટલે તેમાં અડધો કપ છીણેલું ગાજર નાખીને ઢાંકી દો. પછી 10 મિનિટ રાખી ગેસ બંધ કરો. આ મિશ્રણ ઠંડુ કરીને તેમાં 2 ચમચી મધ નાખી બરાબર મિક્સ કરી દો. હવે તેને એક નાના જારમાં ભરી દો. તેને રોજ લિપ્સ પર લગાવો. તમારા લિપ્સ એકદમ ગુલાબી થઈ જશે. 

રોઝ લિપ બામ

આના માટે તમારે એક પેનમાં 6-7 ચમચી સનફ્લાવર ઓઈલ લેવું, તેમાં 3 ચમચી વિટામિન ઈ ઓઈલ મિક્સ કરવું. પછી ધીમા તાપ પર ગરમ કરી દેવું. પછી ગેસ બંધ કરી તેમાં 3-4 રોઝ પેટલ્સ ઉમેરીને ઢાંકીને 2 દિવસ મૂકી દો. 2 દિવસ પછી તેને જારમાં ભરી દો. તૈયાર છે લિપ બામ. આને રોજ લગાવવાથી કાળા લિપ્સ પણ ગુલાબી અને કોમળ થવા લાગશે. 

સ્ટ્રોબેરી લિપ બામ

આ લિપ બામ બનાવવા માટે તમારે 1 સ્ટ્રોબેરી લઈ મેશ કરી લેવી. પછી તેમાં 3 ચમચી કોકોનટ ઓઈલ અને 2 ચમચી ગ્લિસરીન મિક્સ કરી જારમાં ભરી દો. આ લિપ બામમાં એન્ટીઓક્સીડેન્ટ અને વિટામિન સી હોવાથી તે લિપ્સને સોફ્ટ અને નેચરલી પિંક રાખશે. 

શુગર લિપ બામ

આ લિપ બામ એક્સફોલિએટ કરવા માટે બહુ જ સારું છે. તેના માટે એક પેનમાં 2 ચમચી બદામનું તેલ સહેજ ગરમ કરો. પછી તેમાં 2 ચમચી સાદું બટર નાખો. તેમાં 1 ચમચી બ્રાઉન શુગર મિક્સ કરી દો. પછી તેને જારમાં ભરી દો. હવે જ્યારે પણ લિપ્સ વધુ શુષ્ક લાગે ત્યારે આ બામ લગાવી હળવા હાથે રબ કરો અને 10 મિનિટ રાખી કોટનથી સાફ કરી લો. આનાથી લિપ્સ એકદમ સોફ્ટ બની જશે.