રેસિપી / શિયાળામાં પણ ફ્રેશ ફીલ કરાવશે આ કોફી, મિક્સ કરી લો આ વસ્તુઓ

ચોકલેટ -તજ કોફી

સામગ્રી

• 1 કપ ગરમ દૂધ
• 1 ટેબલ સ્પૂન ડાર્ક ચોકલેટ
• 1/4 ટેબલ સ્પૂન તજ પાવડર
• 1 ટીસ્પૂન કોફી પાવડર
• ચપટી જાયફળ પાવડર
• 1 ટેબલ સ્પૂન ખાંડ

રીત

સૌ પહેલાં માઈક્રોવેવ સેફ કપમાં ડાર્ક ચોકલેટ પાવડર, તજ પાવડર, કોફી પાવડર, જાયફળ પાવડર અને ખાંડ મિક્સ કરો. હવે તેમાં 1 ચમચી દૂધ ઉમેરો અને 20 સેકંડ માટે માઈક્રોવેવમાં રાખો. હવે તેમાં બાકીનું ગરમ દૂધ મિક્સ કરો અને હલાવી લો. તૈયાર છે તમારી ચોકલેટ તજ કોફી.

ચોકલેટ -તજ કોફીના ફાયદા

ડાર્ક ચોકલેટ બ્લડપ્રેશર નિયંત્રણમાં રાખવામાં મદદરૂપ થાય છે. તેમાં રહેલું સેરોટિન એક પ્રાકૃતિક એન્ટિ ડિપ્રેશન્ટ છે, જે માનસિક તાણ ઓછી કરવામાં સહાયભૂત થાય છે અને મન પ્રફુલ્લિત રાખે છે.  કોફીમાં કેફીન હોય છે, જે શરીરમા થતી આળસ અને થાકને દુર કરવામાં મદદ કરે છે. આ સિવાય તે  શરીરની તંત્રિકાને પણ મજબુત કરે છે. આ સિવાય પાચન શક્તિ પણ સુધારે છે. તજ મિક્સ કરવાથી મન પ્રફુલ્લિત રહે છે. તજ ગરમ, પાચક, સ્ફૂર્તિદાય, વીર્યવર્ધક છે. તે વાયુનું શમન કરે છએ અને અનેક રોગોને દૂર કરે છે.