હેલ્ધી રેસિપી / શરદી-ખાંસીથી બચવા આદુની આ ખાસ બરફી ઘરના નાના-મોટા સૌને ખવડાવો, એકદમ સરળ છે રેસિપી

સામગ્રી

200 ગ્રામ આદુ
300 ગ્રામ ખાંડ
4 ચમચી ઘી
10 એલચીનો પાઉડર
8-10 બદામ

રીત

આદુની બરફી બનાવવા માટે સૌથી પહેલાં આદુ લઈને તેને ચોખ્ખું ધોઈ લો. પછી તેની છાલ ઉતારી તેને કાપી લો. હવે આદુને મિક્સરમાં લઈ તેમાં અડધો કપ દૂધ મિક્સ કરીને ફાઈન પેસ્ટ બનાવી લો. હવે એક પેનમાં ઘી નાખી ગરમ કરો. પછી આદુની પેસ્ટ તેમાં નાખીને ધીમા ગેસ પર તેને પકવા દો. સતત હલાવતા રહો અને પછી તેમાં ખાંડ ઉમેરો. ખાંડ સરખી રીતે ઓગળી જાય અને ઘી છૂટવા લાગે ત્યારે ગેસ બંધ કરીને તેમાં એલચીનો પાઉડર નાખીને મિક્સ કરી લો. હવે મિશ્રણને થાળીમાં ઠારી દો અને તેના પીસ કરીને બદામથી ગાર્નિશ કરી દો. તૈયાર છે એકદમ હેલ્ધી અને ટેસ્ટી આદુની બરફી.