રેસિપી / લૉકડાઉનમાં સોશ્યલ મીડિયા પર ટ્રેન્ડ થયેલી ડાલ્ગોના કૉફી તમે પણ ઘરે બનાવો

સોશ્યલ મીડિયા પર લોકો ડાલ્ગોના કૉફી બનાવીને શૅર કરી રહ્યા છે. ફ્રી ટાઇમમાં લોકો કૉફીનું આ નવું વર્ઝન ટ્રાય કરી રહ્યા છે. જો તમને પણ આવી જ ડૉલ્ગાના કૉફીના ફોટોઝ અને વીડિયોઝ જોઇને પીવાની ઇચ્છા થાય તો અમે તમને તેની રેસિપી બતાવીશું, આ કૉફી માત્ર 15-20 મિનિટમાં તૈયાર થઇ જશે.

આ કૉફી બનાવવા માટે કશુંજ  બહારથી લાવવાની જરૂર નથી. આ સામગ્રી તમારા ઘરમાં જરૂરથી ઉપલબ્ધ હશે.

સામગ્રી

ઇન્સ્ટન્ટ કૉફી (કૉફી પાવડર) 2 ટેબલ સ્પૂન
ખાંડ 2 ટેબલ સ્પૂન
ગરમ પાણી 2 ટેબલ સ્પૂન
ઠંડું દૂધ-  અડધો કપ
આઇસ ક્યૂબ જરૂર મુજબ

બનાવવાની રીત

એક બાઉલમાં 2 ચમચી કૉફી નાખો, બે ચમચી ખાંડ નાખો અને ગરમ પાણી ઉમેરો. હવે આ મિશ્રણને ફેંટી લો. તમારી પાસે વ્હિપર મશીન હોય તો તેનાથી અથવા તો કાંટા ચમચીથી પણ ફેંટી શકો છો. આ મિશ્રણમાં ફીણ વળે અને ઘટ્ટ થાય ત્યાં સુધી ફેંટતા રહો. આ પછી એક ગ્લાસમાં બરફના ટુકડા ઉમેરો અને દૂધ ઉમેરો. હવે તૈયાર થયું આ મિશ્રણ તેના પર પાથરી દો. તો તૈયાર છે ડાલ્ગોના કૉફી. 

- તમે ડૉલ્ગોના કૉફી પર ઉપરથી કૉફી, ચૉકલેટ પાઉડર અથવા તો તજનો પાઉડર પણ નાખી શકો છો.

- તમે તમારા સ્વાદનુસાર ખાંડ ઓછી વત્તી નાખી શકો છો પરંતુ જો તમે ખાંડ નહી નાખો તો ફીણ બે મિનિટમાં પીગળી જશે.