તમારા કામનું / 5 વર્ષથી ઓછી ઉંમરના બાળકોના આધાર કાર્ડને લઈને આવ્યા કામના સમાચાર, જાણી લો નહીંતર થશે તમારું જ નુકસાન

• 0-5 વર્ષના બાળક માટે વાદળી રંગનુ આધાર કાર્ડ બને છે
• બાળકનું આધાર કાર્ડ બનાવવું આવશ્યક છે
• 5 વર્ષથી મોટી ઉંમરના બાળકનું બાયોમેટ્રિક કરાવવું જરૂરી

UIDAIએ ટ્વિટર પણ જાણકારી આપી છે કે, બાળકો માટે બાળ આધાર બનાવવું જોઈએ. આ આધાર કાર્ડ 5 વર્ષથી નાની ઉંમરા બાળકો માટે બનાવવામમાં આવે છે. બાળકો માટે વાદળી રંગનુ આધાર કાર્ડ બને છે અને બાળક 5 વર્ષનું થાય એટલે એ અમાન્ય થઈ જાય છે. જેથી તેને પોતાની નજીકના સ્થાયી આધાર કેન્દ્રમાં જઈને આ આધાર નંબર સાથે નોંધાયેલા બાળકની બાયોમેટ્રિક વિગતો રજિસ્ટર્ડ કરાવવી પડશે.

#AadhaarForMyChild
A child below 5 years gets a blue-colored #BaalAadhaar & becomes invalid when the child attains the age of 5 yrs. The mandatory biometric update is required to reactivate it. To update your child's Aadhaar, book an appointment: https://t.co/QFcNEpWGuh pic.twitter.com/PXwUaqOR8f

— Aadhaar (@UIDAI) April 1, 2021

બાળકનો આધાર સામાન્ય આધારથી કેટલો અલગ હશે

યુઆઈડીએઆઈએ સ્પષ્ટ કર્યું છે કે બાળ આધારમમાં બાયોમેટ્રિક આઈડેન્ટિફિકેશન જેવાઆઇરિસ સ્કેન અથવા ફિંગરપ્રિન્ટ સ્કેન જેવી બાયોમેટ્રિક ઓળખની જરૂર રહેશે નહીં. જ્યાં પણ બાળકની ઓળખની જરૂર હોય ત્યાં તેના માતાપિતા તેની સાથે રહેશે. જોકે, બાળક પાંચ વર્ષની વય પાર કરતાં જ તેને સામાન્ય આધાર કાર્ડ આપવામાં આવશે. તેમાં તમામ બાયોમેટ્રિક વિગતો હશે.

આ રીતે બનાવો બાળ આધાર

5 વર્ષથી નાની ઉંમરના બાળક માટે આધાર કાર્ડ નોંધણી કેન્દ્રમાં જઈને બાળકનાં નામનું એક ફોર્મ ભરવાનું હોય છે. ફોર્મની સાથે જન્મ પ્રમાણ પત્ર અને માતા/પિતાનાં આધાર કાર્ડની નકલ આપવાની હોય છે. સાથે જ ઓરિજિનિલ આધાર કાર્ડ રાખવું જોઈએ. 5 વર્ષથી નાનાં બાળકનું આધારકાર્ડ બનાવવા માટે બાયોમેટ્રિક કરાવવાનું જરૂરી નથી. એટલે કે 5 વર્ષથી નાનાં બાળકની ફિંગર પ્રિન્ટ અને રેટિના સ્કેન કરવામાં આવતાં નથી. માત્ર તેનાં એક ફોટોની આવશ્યકતા હોય છે. બાળ આધાર સાથે માતા પિતામાંથી કોઈ એકનું આધાર લિંક કરવું પડે છે. વેરિફિકેશન અને રજિસ્ટ્રેશન બાદ કન્ફર્મેશન મેસેજ રજિસ્ટર્ડ મોબાઈલ નંબર પર મોકલાશે. એ પછી 60 દિવસવી અંદર માતા પિતાના રજિસ્ટર્ડ એડ્રેસ પર મોકલી દેવામાં આવશે. 

વાદળી રંગનું આધાર કાર્ડ 

વાદળી રંગનું આધાર અન્ય આધારની જેમ જ માન્ય છે. 0-5 વર્ષની વયનાં બાળક માટે વાદળી રંગનું આધાર કાર્ડ જારી કરવામાં આવે છે. બાળક 5 વર્ષનું થતાં જ આ આધાર અમાન્ય થઈ જશે.