મોર્નિંગ બ્રેકફાસ્ટમાં ચીઝ કોર્ન સેન્ડવિચ એક સરળ નાસ્તો છે. તે બનાવવામાં પણ સરળ રહે છે અને સ્વાદિષ્ટ પણ લાગે છે. તો તમે પણ કરો ટ્રાય.
ઘરે બનાવી લો મોર્નિંગનો સ્વાદિષ્ટ બ્રેકફાસ્ટ
ચીઝ કોર્ન સેન્ડવિચ કરશે તમારી મદદ
બનશે ફટાફટ અને મળશે કમાલનો સ્વાદ
બ્રેડથી અનેક ચીજો બની શકે છે પણ જો નાસ્તાની વાત હોય તો ખાસ કરીને સવારમાં બ્રેડની વાનગીઓ ફટાફટ બની જતી હોવાથી તે એક ખાસ ઓપ્શન બની રહે છે. આ સમયે માર્કેટમાં મકાઈ મળી રહી છે અને તેની સાથે ચીઝ કોર્ન સેન્ડવિચ એક બેસ્ટ ઓપ્શન હોઈ શકે છે. આ હેલ્ધી હોવાની સાથે ટેસ્ટી પણ હોય છે. તો જાણો કેવી રીતે બનાવશો ચીઝ કોર્ન સેન્ડવિચ.
સામગ્રી
6 નંગ બ્રેડની સ્લાઈસ
1 કપ કોર્ન એટલે કે મકાઈ
1/2 કપ ચીઝ
મીઠું સ્વાદ અનુસાર
1/4 કપ કાળા મરીનો પાવડર
1/4 કપ ચીલી ફ્લેક્સ
1 કપ બટર
બનાવવાની રીત
સૌ પહેલા એક વાટકી લો અને તેમાં ચીઝ, કોર્ન, મીઠું, મરી પાવડર અને ચિલિ ફ્લેક્સને મિક્સ કરી લો. હવે બ્રેડની સ્લાઈસ પર બટર લગાવો અને પછી તેની ઉપર આ મિશ્રણને સારી રીતે સ્પ્રેડ કરી લો. મીડિયમ ગેસ પર તવાને ગરમ કરો. તેની પર બટર રાખો અને તેને ગરમ થવા દો. બટર ગરમ થાય એટલે તમે તેની પર આ સેન્ડવિચને શેકી શકો છો. બંને તરફથી ગોલ્ડન બ્રાઉન થાય ત્યાં સુધી ધીમા ગેસ પર તેને શેકી લો. આ સિવાય તમે હેન્ડ ટોસ્ટરમાં પણ તેને બંને તરફથી ગેસ પર શેકી શકો છો. તૈયાર થઈ જશે તમારી ટેસ્ટી ચીઝ કોર્ન સેન્ડવિચ. તમે તેને સોસની સાથે સર્વ કરી શકો છો.