ઘરે કેક બનાવવા હવે ઓવનની જરૂરત નથી. પ્રેશર કુકરની મદદથી તમે બનાવી શકશો સ્વાદિષ્ટ અને સ્પંજી કેક, બસ થોડું ધ્યાન રાખવાની જરૂર છે.
ઓવન વગર બનાવો કેક
પ્રેશર કુકરમાં કેક બનાવતાં રાખજો ધ્યાન
સ્ટેપ્સ ફોલો કરશો તો બનશે સ્વાદિષ્ટ કેક
કેવી રીતે બનાવશો પ્રેશર કુકરમાં કેક?
કોરોનાકાળમાં લોકો ઘરે બનાવેલ વાનગીઓને ખાવાનો આગ્રહ રાખી રહ્યા છે. પછી એ ચાઇનીઝ ફુડ હોય કે પછી ઘરે બનાવેલ કેક, આજકાલ બધી વાનગીઓ લોકો ઘરે બનાવવાની જ કોશિશ કરે છે.
પ્રેશરકુકરમાં કેક બનાવવાનો ટ્રેન્ડ આજકાલ દરેક ઘરમાં ચાલે છે પરંતુ આ કેક બનાવવામાં લોકોએ કેટલીક મુશ્કેલીઓનો પણ સામનો કરવો પડે છે. જેમાંથી સૌથી મોટી સમસ્યા છે કે કેક ફુલતી નથી, સ્પંજી નથી બનતી તથા બનાવ્યા બાદ કુકરનું તળિયું કાળું પડી જાય છે.
આ બાબતોનું રાખજો ધ્યાન
જ્યારે પણ કુકરમાં કેક બનાવો ત્યારે કુકરમાં પાણીની જગ્યાએ નમક (મીઠું) રાખવું, મીઠાથી કુકરનો તળિયું ભરાઇ જવું જોઇએ. મીઠાને તમે વારંવાર બેકિંગમાં ઉપયોગમાં લઇ શકશો. મીઠાની ઉપર સ્ટેન્ડ રાખી અને તેની ઉપર કેકનું વાસણ રાખવું. આ સિવાય જ્યારે પણ કેક બનાવો ત્યારે કુકરની સીટીને કાઢી નાખવી.
શું પ્રી-હીટ જરૂરી ?
માઇક્રોવેવ ઓવનમાં કેક એટલે જ સ્પંજી અને સોફ્ટ બને છે કારણકે કેકના બેટરને શરૂઆતથી જ યોગ્ય તાપમાન મળે છે. તેવું જ તમારે કુકરમાં કરવું જોઇએ. કુકરની સીટી કાઢી કુકરના તળિયે મીઠું પાથરી અને તે બંધ કુકરને ધીમા ગેસ પર 10 મિનીટ માટે પ્રી-હીટ કરવું જ જોઇએ. પ્રી-હીટ થયા બાદ આ કુકરની અંદર કેકનું વાસણ રાખી તેને 20 મિનીટ સુધી ધીમા તાપે સંપુર્ણરીતે બેક થવા દેવું જોઇએ.
આ ઉપરાંત જ્યારે પણ તમે કુકરમાં કેક બનાવો છો ત્યારે કુકરની સીટીની સાથે તેના ઢાકણમાં રહેલ રબ્બર પણ કાઢવું આવશ્યક છે.