સ્ટેપ્સ / આધાર-PAN લિંક કરાવવા માટે ગણતરીનો સમય બાકી, આજે કરી લો ઘરે બેઠા આ મહત્વનું કામ

આ વર્ષે માર્ચમાં વિત્ત મંત્રાલયે એક નોટિફિશેન જારી કરીને કહ્યુ કે, જે લોકોની પાસે PAN કાર્ડ છે તો તેમણે આધાર કાર્ડની સાથે લિંક કરવુ જરૂરી છે. આ સાથે જ સુપ્રીમ કોર્ટે પણ ઇન્કમ ટેક્સ એક્ટના સેક્શન 133AA ના હેઠળ PAN કાર્ડ અને આધાર કાર્ડને લિંક કરવાનું જરૂરી કરી દીધુ છે. આ સિવાય ઇન્કમ ટેક્સ રિર્ટન ભરવા માટે આધાર કાર્ડ નંબર આપવો જરૂર થઇ ગયો છે.

તમને જણાવી દઇએ કે,  આધાર અને PAN ને લિંક કરવા માટે ક્યાંય પણ જવાની જરૂર નથી, તમે SMS ની મદદથી આધાર અને PAN ને લિંક કરી શકો છો. આ સિવાય તમે ઑનલાઇન પ્રોસેસની મદદથી પણ લિંક કરી શકશો. જાણીએ તમે ઘરે બેઠા આધાર-PAN ને લિંક કેવી રીતે કરી શકો છો....

સરળ છે પ્રોસેસ:

એક SMS ની મદદથી કરો લિંક:

- ઇન્કમ ટેક્સ વિભાગે ટેક્સપેયર્સને વિકલ્પ આપ્યો છે કે તેઓ SMS ની મદદથી આધાર-PAN ને લિંક કરી શકો છો. આ સૌથી સરળ રીત છે.

- આ માટે સૌથી પહેલા ફોનમાં UIDPN ટાઇપ કરો. આ પછી સ્પેસ આપીને આધાર નંબર અને પછી PAN નંબર એન્ટર કરો.

- દાખલા તરીકે UIDPAN<space><12-digit Aadhaar><space><10-digit PAN> લખીને તમે 567678 અથવા તો 56161 પર મોકલો.

- આ પછી ઇન્કમ ટેક્સ વિભાગ તમારા બંને નંબરને લિંક પ્રોસેસમાં નાખી દેશે.

ઑનલાઇન આ રીતે લિંક કરી શકાશે

- સૌ પ્રથમ જો તમારું એકાઉન્ટ નથી બન્યું તો પહેલાં પોતાને રજિસ્ટર કરો.

- ઇન્કમ ટેક્સ વિભાગની ઇ-ફાઇલિંગ વેબસાઇટ (www.incometaxindiaefiling.gov.in) પર જાઓ.

- વેબસાઇટ પર 'લિંક આધાર' વિકલ્પ જોવા મળશે. ત્યાં ક્લિક કરો.

- લોગ ઈન કર્યાં પછી તમારાં એકાઉન્ટનાં પ્રોફાઇલ સેટિંગ્સમાં જાઓ.

- પ્રોફાઇલ સેટિંગ્સમાં તમને આધાર કાર્ડ લિંક કરવાનો ઓપ્શન દેખાશે. તેને સિલેક્ટ કરો.

- અહીં આપેલા સેક્શનમાં તમારો આધાર નંબર અને કેપ્ચા કોડ ભરો.

- માહિતી ભર્યા પછી નીચે આપેલી લિંક ઉપર ક્લિક કરો. ત્યારબાદ તમારો આધાર લિંક થશે.

PAN અમાન્ય થઈ શકે છે

- જો PAN કાર્ડને આધાર સાથે લિંક કરવામાં ન આવે તો તેને આવકવેરા કાયદાની કલમ 139AA હેઠળ અમાન્ય માનવામાં આવશે. તેનાથી તમારું ટેક્સ ટેક્સ રિફંડ અટકી શકે છે.